35°C வரை அடுத்த வாரம் அதிக வெயில்!

ஜூன் மாதத்தின் முதலாம் வாரம் மழையுடனும் மேகமூட்டத்துடனும் சென்ற பிறகு, இரண்டாம் வாரத்தில் வெப்பம் கடுமையாக உயரும் என எதிர்பார்க்கப்படுகிறது.

ஜூன் 10 ஆம் தேதி முதல், தென் மேற்குப் பகுதிகளில் வெப்பநிலை 35°C வரை செல்லும் வாய்ப்பு உள்ளது. மொத்த பிரான்சிலும் சூரிய ஒளி அதிகமாக இருக்கும் என தேசிய வானிலை அவதானிப்பு மையத்தின்கணிப்பு தெரிவிக்கிறது.

ஜூன் 11 ஆம் தேதி, Landes, Gironde, Dordogne பகுதியில் 33°C மேலும், Occitanie யில் Tarn, Gers, Gard போன்ற இடங்களில் 32°C வரையான அளவு வெப்பமும் ஏற்படும்.

ஆனால், ஜூன் 12 ஆம் தேதி முதல், இந்த வெப்பம் திடீரென குறைந்து, மழையும் இடியுடன் கூடிய புயலும் ஏற்படலாம். இது சஹாராவில் இருந்து வரும் வெப்ப காற்றால் ஏற்படுகிறது.

வெப்பத்தை கவனிக்கவும், பாதுகாப்பாக இருங்கள்!