Bagnolet : துப்பாக்கிச்சூட்டில் ஒருவர் படுகாயம்!!

Bagnolet (Seine-Saint-Denis) நகரில் இடம்பெற்ற துப்பாக்கிச்சூட்டு சம்பவத்தில் நபர் ஒருவர் படுகாயமடைந்துள்ளார்.

வெள்ளிக்கிழமை பிற்பகல் 3.30 மணிக்கு இத்துப்பாக்கிச்சூடு இடம்பெற்றது.  Rue Robespierre வீதியில் போதைப்பொருள் விற்பனையாளர்களின் சந்திப்பு மையம் ஒன்றின் அருகே ஆயுததாரிகள் இருவர் நபர் ஒருவரை நோக்கி பலதடவைகள் துப்பாக்கியால் சுட்டுள்ளனர். அதில் இரண்டு குண்டுகள் குறித்த நபர் மீது பாய்ந்துள்ளது. கால் மற்றும் பின் பக்கத்தில் பாய்ந்த குண்டினால் அவர் படுகாயமடைந்துள்ளார்.

பின்னர் காவல்துறையினர் குறித்த நபரை மீட்டு மருத்துவமனையில் சேர்த்தனர்.

இதே பகுதியில் சென்றவருடம் ஜூலையில் இடம்பெற்ற துப்பாக்கிச்சூட்டு சம்பவத்தில் 30 வயதுடைய ஒருவர் கொல்லப்பட்டுள்ளமை குறிப்பிடத்தக்கது.