பிரெஞ்சுப் பாடகர் Werenoi இளவயதில் மரணம்!!

பாடகர் Werenoi, தனது 31 ஆவது வயதில் மரணமடைந்துள்ளார். அவரது தயாரிப்பாளர் இச்செய்தியினை வெளியிட்டுள்ளார்.

2023/2024 ஆம் ஆண்டுகளில் அதிகளவு ஆல்பங்களை விற்று சாதனை படைத்த சொல்லிசைப் பாடகரான அவர் Montreuil (Seine-Saint-Denis) நகரைச் சேர்ந்தவராவார். அவரது இயற்பெயர் Jérémy Bana-Owona ஆகும். 2024 ஆம் ஆண்டில் அவர் வெளியிட்ட "Pyramide 2" எனும் ஆல்பம் அதிக பிரதிகளை விற்று சாதனை படைத்தது.

அதேவேளை, 2023 ஆம் ஆண்டில் அவர் வெளியிட்ட Carré ஆல்பமும் விற்பனையில் சாதனை படைத்திருந்தது.

இந்நிலையில், இன்று மே 17, சனிக்கிழமை அவரது மரணத்தை அவரது தயாரிப்பாளர் உறுதி செய்துள்ளார்.