தொடர்ந்து உட்கார்ந்தால் உடலில் என்ன நடக்கும் தெரியுமா..?

இன்றைய காலக்கட்டத்தில் நீண்ட நேரம் உட்கார்ந்து வேலை பார்க்கும் வாழ்க்கை முறையானது மிகவும் பொதுவானதாகிவிட்டது. ஆனால் உட்கார்ந்து வேலைபார்க்கும் வாழ்க்கை முறையானது ஆரோக்கியத்திற்கு நல்ல தல்ல என்று மருத்துவர்கள் கூறுகின்றனர். ஆனால் நமது வேலைகள் தொடர்பாக தொடர்ச்சியாக ஆறு மணி நேரம் அல்லது அதற்கு மேல் உட்கார வேண்டியிருந்தால் என்ன செய்வது? இதுபோன்ற சூழ்நிலையில், உடலில் என்ன நடக்கும் என்று நீங்கள் எப்போதாவது யோசித்திருக்கிறீர்களா? அதை பற்றி விரிவாக பார்ப்போம்.

 நீண்ட நேரம் ஒரே இடத்தில் உட்கார்ந்து வேலை பார்ப்பது, ஒட்டுமொத்த நல்வாழ்வுக்கும் தீங்கு விளைவிக்கும் என்று கூறியுள்ளார். இது உங்கள் ஆரோக்கியத்தில் கடுமையான பாதிப்பை ஏற்படுத்துவதோடு மட்டுமல்லாமல், பல்வேறு உடல்நலப் பிரச்சினைகளின் அபாயத்தையும் அதிகரிக்கும். இது தவிர அதிகப்படியான எடை அதிகரிப்பிற்கு வழிவகுத்து, உடல் பருமனாக மாற்றும் என்றும் கூறியுள்ளார். ஏனென்றால், அதிகமாக உட்கார்ந்திருப்பது உங்கள் வளர்சிதை மாற்றத்தைக் கணிசமாகக் குறைத்து, எடை குறைப்புக்கான முயற்சிகளை கடினமாக்கும் என்றும் டாக்டர் அகர்வால் கூறியுள்ளார்.

நீரிழிவு போன்ற நாள்பட்ட நோய்களுக்கு உட்கார்ந்து வேலை பார்க்கும் வாழ்க்கை முறையும், ஒரு முக்கிய காரணமாகும் என்று கூறியுள்ளார். குறைவான உடல் செயல்பாடு, வயிற்றுப் பகுதி உட்பட உறுப்புகளைச் சுற்றி கொழுப்பு படிவதற்கு பங்களிக்கிறது. மேலும் இது இன்சுலின் செயல்பாட்டில் பாதிப்பை ஏற்படுத்தும் என்று சிங் கூறியுள்ளார்.

 நீங்கள் சாய்வது அல்லது முதுகு குனிவது போன்ற மோசமான தோரணையுடன் அமர்ந்திருந்தால், வழக்கத்தை விட அடிக்கடி முதுகு அல்லது கழுத்து வலியை அனுபவிக்கும் வாய்ப்பு அதிகமாக இருக்கும் காலப்போக்கில், இது கொழுப்பின் அளவையும், இரத்த அழுத்தத்தையும் அதிகரிக்கச் செய்யும். இந்த காரணங்களால் இதய நோய்கள் ஏற்படுவதற்கான அபாயத்தை அதிகரிக்கும். நீண்ட நேரம் உட்காருவதால், உங்கள் மூட்டுகள் ஸ்டிஃப் ஆகிவிடும், இதனால் பல மணி நேரம் கழித்து அசைப்பது கடினமாகும் என்று கூறியுள்ளார்.

இதனால்தான் மக்கள் ஒரே இடத்தில் அதிக நேரம் உட்காருவதைத் தவிர்க்க வேண்டும் என்று நிபுணர்கள் கூறுகின்றனர். எனவே சுறுசுறுப்பாக இருக்க ஒவ்வொரு 4 முதல் 5 நிமிடங்கள் பிரேக் எடுத்துக் கொள்ள வேண்டும். மேலும், உங்கள் கால்களை ஸ்டிஃப்நெஸ் ஆகாமல் வைத்திருக்க அடிக்கடி வளைக்கவும், நீட்டவும் அல்லது நடக்க வேண்டும் என்று டாக்டர் அகர்வால் கூறியுள்ளார்.