◉ France Travail : திடீர் உயர்வு!!

பிரான்சில் வேலை தேடுவோரின் எண்ணிக்கை திடீரென அதிகரித்துள்ளதாக France Travail அறிவித்துள்ளது.

2024 ஆம் ஆண்டின் நான்காவது காலாண்டில் A பிரிவில் வேலை தேடுவோரின் எண்ணிக்கை 3.138 மில்லியனாக உள்ளது. முந்தைய காலாண்டோடு ஒப்பிடுகையில் 3.9% சதவீதம் அதிகமாகும். மூன்றாவது காலாண்டோடு ஒப்பிடுகையில் 113,800 பேர் மேலதிகமாக தங்களை பதிவு செய்துள்ளனர்.
'பிரிவு A' எனப்படுவது எந்த வித செயற்பாடுகளும் இல்லாதவர்களைக் கொண்டதாகும்.

அதேவேளை, “பிரிவு B மற்றும் C” ஆகியவற்றிலும் பதிவு செய்தவர்களின் எண்ணிக்கை 1.7% சதவீதத்தால் அதிகரித்துள்ளது.

மொத்தமாக தற்போது வேலை தேடுவோரின் எண்ணிக்கை 5.216 மில்லியனாக உள்ளது.