இலங்கையில் புதிய வட்ஸ்அப் இலக்கம் அறிமுகம்

சுற்றுச்சூழல் பிரச்சனைகளுக்கு விரைவான தீர்வு காண புதிய வட்ஸ்அப் எண் அறிமுகம் செய்யப்பட்டுள்ளது.

 சுற்றாடல் பாதுகாப்பிற்காக மக்களின் பங்களிப்பைப் பெறும் நோக்கில் இந்த இலக்கம் அறிமுகப்படுத்தப்பட்டுள்ளதாக சுற்றாடல் அமைச்சு தெரிவித்துள்ளது.

 அதன்படி, 076 6412029 என்ற வட்ஸ்அப் எண்ணுக்கு சுற்றுச்சூழல் பிரச்னைகளை குறுஞ்செய்தியாக அனுப்பலாம்.

 சுற்றுச்சூழல் அமைச்சகம் அந்தப் பிரச்சினைகளை சம்பந்தப்பட்ட நிறுவனங்களுக்கு அனுப்பி, விரைவான மற்றும் நிலையான தீர்வுகளைக் கண்டறிவதற்கான தொடர் செயல்முறை மூலம் விசாரணை செய்யும்.

 திங்கள் முதல் வெள்ளி வரை காலை 7.00 மணி முதல் இரவு 7.00 மணி வரை, இந்த வட்ஸ்அப் எண்ணில் பிரச்சினைகளை சமர்ப்பிக்கலாம்.