இரு பாலினங்கள் மட்டுமே.. - கருத்துக்கணிப்பில் பிரெஞ்சு மக்கள்!!

அமெரிக்காவில் 'ஆண் பெண்' எனும் இரு பாலினங்கள் மட்டுமே செல்லுபடியாகும் என அந்நாட்டின் புதிய ஜனாதிபதி டொனால்ட் ட்ரம்ப் அறிவித்திருந்தார். இந்நிலையில், இது தொடர்பில் பிரெஞ்சு மக்களிடம் கருத்துக்கணிப்பு ஒன்று மேற்கொள்ளப்பட்டிருந்தது.

கருத்துக்கணிப்பில் பின்வரும் கேள்வி நேரடியாக கேட்கப்பட்டது. "<பாலினங்களில் இரண்டு மட்டுமே உள்ளன. பெண்பால் மற்றும் ஆண்பால் > நீங்கள் அறிக்கையுடன் உடன்படுகிறீர்களா?" என கேட்கப்பட்டது. இதற்கு பிரெஞ்சு மக்களில் பத்தில் ஏழுக்கும் அதிகமானோர் (76% சதவீதமானோர்) "ஆம்" (OUI) என கருத்து தெரிவித்துள்ளனர். 23% சதவீதமானவர்கள் "இல்லை" (NON) என கருத்து தெரிவித்துள்ளனர்.

ஏனைய 1% சதவீதமானவர்கள் “கருத்து தெரிவிக்கவில்லை"

மேற்படி கருத்துக்கணிப்பு CNEWS, JDD மற்றும் Europe 1 ஆகிய ஊடகங்களுக்காக CSA நிறுவனம் மேற்கொண்டிருந்தது. ஜனவரி 23 மற்றும் 24 ஆம் திகதிகளில் இடம்பெற்ற இந்த கருத்துக்கணிப்பில் 18 வயது நிரம்பிய 1,010 பேர் கலந்துகொண்டிருந்தனர்.