மனைவியை பிரிந்தாரா விஜய்?

தமிழ் சினிமாவின் உச்ச நடிகராக இருக்கும் விஜய் தற்போது அரசியல் தலைவராக மாறி உள்ளார். அவர் தற்போது நடித்துக் கொண்டிருக்கும் தளபதி 69 படம் தான் தனது கடைசி படம் என்றும் அதன்பின்னர் முழு நேர அரசியலில் ஈடுபடப் போவதாகவும் அறிவித்துள்ளார். நடிகர் விஜய் 1999-ம் ஆண்டு சங்கீதாவை காதலித்து திருமணம் செய்து கொண்டார். விஜய்யின் மனைவி சங்கீதா பற்றிய சில சுவாரஸ்ய தகவல்களை பார்க்கலாம். 

சங்கீதா 1972-ம் ஆண்டு ஏப்ரல் 14-ம் தேதி லண்டனில் பிறந்தவர் ஆவர். இவர் ஒரு புலம்பெயர்ந்த இலங்கை தமிழர் ஆவார். சங்கீதாவின் தந்தை சொர்ணலிங்கம் லண்டனில் மிகப்பெரிய தொழிலதிபர் ஆவார்.

பூவே உனக்காக படத்தை பார்த்த பின்னர், விஜய்யின் தீவிர ரசிகையாக மாறிய சங்கீதா, விஜய்யை பார்ப்பதற்காகவே லண்டனில் இருந்து சென்னை வந்தார். விஜய்யுடன் நட்பாக பழகிய சங்கீதா, பின்னர் அவரை காதலிக்க தொடங்கினார். பின்னர் இரு வீட்டாரின் சம்மதத்துடன் விஜய்யை திருமணம் செய்து கொண்டார். 

இந்த தம்பதிக்கு ஜேசன் சஞ்சய் என்ற மகனும், திவ்யா சாஷா என்ற மகளும் இருக்கின்றனர். ஜேசன் சஞ்சய் தற்போது இயக்குனராக அறிமுகமாக உள்ளார். லைகா நிறுவனம் தயாரிக்கும் இந்த படத்தில் சந்தீப் ஹீரோவாக நடிக்க உள்ளார். விஜய்யின் மகள் ஷாஷா விளையாட்டுத்துறையில அசத்தி வருகிறார். 

விஜய்யை விட சங்கீதாவுக்கு தமிழ் சினிமாவில் நண்பர்கள் அதிகம். ஷாலினி, இயக்குனர் ஷங்கர் மனைவி, ஹாரிஸ் ஜெயராஜ் மனைவி, ஜெயம் ரவி மனைவி ஆர்த்தி என திரை வட்டாரத்தில் சங்கீதாவுக்கு பல நண்பர்கள் உள்ளனர்.

தனது மகளின் கல்விக்காக சில ஆண்டுகளாக அவர் லண்டனில் வசித்து வருவதாக கூறப்படுகிறது. தனது தந்தையின் தொழிலை கவனித்து வரும் சங்கீதா அவ்வப்போது சென்னை வந்து செல்வதாகவும் கூறப்படுகிறது. தற்போது சங்கீதாவின் லேட்டஸ்ட் போட்டோ ஒன்று இணையத்தில் வைரலாகி வருகிறது. விஜய் அரசியல், சினிமா என பிசியாக இருந்து வரும் நிலையில் அவரின் மனைவி சங்கீதா அவரை பிரிந்துவிட்டதாக இணையத்தில் ஒரு தகவல் வைரலாகி வருகிறது. எனினும் இந்த தகவல் எந்தளவு உண்மை என்பது தெரியவில்லை.