உக்ரைனுக்கு கனடா வழங்கி ராணுவ உதவி அறிவிப்பு

கனடா, உக்ரைனுக்கு 64.8 மில்லியன் கனேடிய டொலர் மதிப்பிலான ராணுவ உதவியை வழங்க திட்டமிட்டுள்ளது என்று பாதுகாப்பு அமைச்சர் பில் ப்ளேர் வெள்ளிக்கிழமை அறிவித்தார். 

இந்த உதவித்தொகையில் சிறு ஆயுதங்கள், குண்டுகள், பாதுகாப்பு உபகரணங்கள் மற்றும் உக்ரைனிய படைகளைப் பயிற்றுவிக்க தேவையான நிதியும் சேர்க்கப்பட்டுள்ளது.

இந்த உதவி, ஜூலை மாதத்தில் பிரதமர் ஜஸ்டின் ட்ரூடோ அறிவித்த 500 மில்லியன் கனேடிய டொலர் ராணுவ நிதி அறிவிப்பின் ஒரு பகுதியாகும்.

இந்த உதவி "இன்றைய ராணுவ உதவி உக்ரைனுக்கு ரஷ்ய தாக்குதல்களுக்கு எதிராக போராட தேவையான முக்கிய வளங்களை வழங்குகிறது. 

அவர்களின் வெற்றியை நிலைநாட்ட நாம் தொடர்ச்சியாக ஆதரிக்கப் போகிறோம்,"என்று பில் ப்ளேர் தெரிவித்துள்ளார்.

கனடா, உக்ரைனின் பல்வேறு சர்வதேச ஆதரவாளர்களில் முக்கியமானதாக இருந்து வருகிறது.

செப்டம்பர் மாதத்தில், கூடுதலாக உள்ள 80,840 ஏவுகணைகள் மற்றும் 1,300 வெடிகுண்டு சாதனங்களையும் வழங்க முடிவு செய்தது.

2022 பெப்ரவரியில் ரஷ்யா உக்ரைனில் படையெடுப்பைத் தொடங்கியதிலிருந்து, கனடா 4.5 பில்லியன் கனேடிய டொலர் மதிப்பிலான ராணுவ உதவியை வழங்கியுள்ளது குறிப்பிடத்தக்கது.