Val d'Oise : ட்ராம் மோதி ஆறு வயதுச் சிறுமி காயம்!!

ட்ராம் மோதியதில் ஆறு வயதுச் சிறுமி ஒருவர் படுகாயமடைந்துள்ளார். உயிருக்கு போராடும் நிலையில் அவர் மருத்துவமனையில் அனுமதிக்கப்பட்டுள்ளார்.

நேற்று நவம்பர் 1 ஆம் திகதி வெள்ளிக்கிழமை, Sarcelles (Val-d'Oise) நகரில் பிற்பகல் 4 மணி அளவில் இச்சம்பவம் இடம்பெற்றுள்ளது. avenue de la Division-Leclerc வீதியின் அருகே பயணித்த ட்ராம் ஒன்றுடன் ஆறு வயதுச் சிறுமி ஒருவர் மோதுண்டு படுகாயமடைந்துள்ளார்.

அதை அடுத்து அவர் உடனைடியாக Necker-Enfants Malades மருத்துவமனைக்கு கொண்டுசெல்லப்பட்டார். அவர் உயிருக்காபத்தான நிலையில் இருப்பதாக தெரிவிக்கப்பட்டுள்ளது.

ட்ராம் பாதையை இரு சிறுமிகள் கடக்க முற்பட்டபோது, அங்கு வந்த ட்ராமில் மோதுண்டதாக தெரிவிக்கப்படுகிறது. விசாரணைகள் இடம்பெற்று வருகிறது.