மெற்றோவில் பயணிகளுக்கு வழிகாட்டியாக மாறிய முன்னாள் பிரதமர்!

பிரான்சின் முன்னாள் பிரதமரும் இந்நாள் RATP போக்குவரத்து நிறுவனத்தின் தலைமை அதிகாரியுமான Jean Castex, மெற்றோவில் பயணித்த பயணிகளுக்கு வழிகாட்டியாக செயற்பட்டார்.

நேற்று ஓகஸ்ட் 2 ஆம் திகதி  Porte de Saint-Cloud நிலையத்தில்  அவர் இச்செயற்பாடுகளில் ஈடுபட்டிருந்தார். கைகளின் இளஞ்சிவப்பு நிறத்தில் கையுறை ஒன்றை அணிந்துகொண்டு, மறு கையில் ஒலிவாங்கி ஒன்றை வைத்துக்கொண்டு, பயணிகளுக்கு வழி காட்டிக்கொண்டிருந்தார். ஊடகவியலாளர் ஒருவர் அதனை புகைப்படமாக எடுத்து சமூகவலைத்தங்களில் பகிர்ந்துள்ளார்.

13 ஆம் இலக்க மெற்றோ நேற்றைய தினம் தடைப்பட்டிருந்தது. ஒருமணிநேரத்துக்கும் மேலாக மெற்றோ தடைப்பட்டதை அடுத்தே பயணிகளுக்கு இந்த வழிகாட்டியாகவும், அவர்களின் கேள்விகளுக்கும் Jean Castex பதிலளித்தார்.