விஜய் டிவி பிரபலமான டிடி திருமணம் செய்ய ஆசைப்படுவது அந்த நடிகருக்கு தெரியுமா?

விவாகரத்தான பிரபல நடிகரை திருமணம் செய்ய ஆசை என விஜய் டிவி பிரபலம் டிடி என்ற திவ்யதர்ஷினி கூறியுள்ள நிலையில் இது அந்த நடிகருக்கு தெரியுமா என ரசிகர்கள் கமெண்ட் செய்து வருவது பரபரப்பை ஏற்படுத்தி உள்ளது.

விஜய் டிவி பிரபலமான டிடி பல நிகழ்ச்சிகளை தொகுத்து வழங்கி உள்ளார் என்பதும் குறிப்பாக ’காப்பி வித் டிடி’ என்ற நிகழ்ச்சியில் அவர் நயன்தாரா உள்பட பல பிரபலங்களை பேட்டி எடுத்துள்ளார் என்பதும் தெரிந்தது.

இந்த நிலையில் ஒரு சில திரைப்படங்களிலும் நடித்துள்ள டிடி கடந்த 2014 ஆம் ஆண்டு தனது நெருங்கிய நண்பர் ஸ்ரீகாந்த் என்பவரை திருமணம் செய்தார். ஆனால் 3 ஆண்டுகளில் அவரை விவாகரத்து செய்த டிடி இன்னும் மறுமணம் செய்யாமல் உள்ளார் என்பது குறிப்பிடத்தக்கது.

இந்த நிலையில் இன்ஸ்டாகிராமில் ரசிகர்களுடன் உரையாடிய டிடி, ‘தனக்கு பாலிவுட் நடிகர் ஹிருத்திக் ரோஷன் மீது கிரஷ் என்றும் அவரை திருமணம் செய்து கொள்ளவும் தயார் என்றும் ஆனால் அவர் சம்மதிப்பாரா என்று தெரியவில்லை என்றும் கூறியிருந்தார். இந்த கேள்விக்கு பலர் ’நீங்கள் ஹிருத்திக் ரோஷன் திருமணம் செய்ய ஆசைப்படுவது அவருக்கு தெரியுமா? என்று கமெண்ட்களை பதிவு செய்து வருகின்றனர்.