Seine-et-Marne : போதைப்பொருளுக்கு எதிராக நடவடிக்கையின் போது - பாரிய ஆயுதங்கள் மீட்பு!!

போதைப்பொருளுக்கு எதிரான நடவடிக்கை ஒன்றின் போது, பாரிய அளவு ஆயுதங்கள், பெருமளவு பணம், போதைப்பொருட்கள் போன்றவை கைப்பற்றப்பட்டுள்ளன. Seine-et-Marne மாவட்டத்தின் இச்சம்பவம் இடம்பெற்றுள்ளது. 

போதைப்பொருள் தடுப்பு பிரிவினரும், காவல்துறையினரும் இணைந்து கடந்த செவ்வாய்க்கிழமை Avon (Seine-et-Marne) நகரில் நடவடிக்கை ஒன்றில் ஈடுபட்டனர். அதன்போது வீடொன்றுக்குள் பதுக்கிவைக்கப்பட்டிருந்த 11 வெடிகுண்டுகள், ரைஃபிள் வகை துப்பாக்கிகள், தானியங்கி பிஸ்ட்டல் வகை துப்பாக்கிகள், €210,000 யூரோக்கள் பணம், 65 கிலோ கஞ்சா போதைப்பொருள் போன்றவற்றை கைப்பற்றினர்.

அதேவேளை, சம்பவ இடத்தில் இருந்து எவரையும் கைது செய்யவில்லை எனவும் தெரிவிக்கப்பட்டுள்ளது. 

கடந்த சில மாதங்களாக இடம்பெற்றுவந்த விசாரணைகளை அடுத்தே மேற்படி நடவடிக்கை மேற்கொள்ளப்பட்டிருந்தது. குற்றவாளிகள் தேடப்பட்டு வருகின்றனர்.