அட்லி - அல்லு அர்ஜுன் இணையும் படத்தின் நாயகி யார்?

ஷாரூக்கான் நடிப்பில் ஜவான் படத்தை இயக்கிய அட்லி அடுத்தபடியாக தெலுங்கு நடிகர் அல்லு அர்ஜுன் நடிப்பில் தனது அடுத்த படத்தை இயக்க இருப்பதாக தகவல் வெளியாகி உள்ளது. அனிருத் இசையமைக்கும் இந்த படத்தில் நாயகியாக திரிஷா நடிப்பதாக கூறப்பட்ட நிலையில், அதன் பிறகு ஏற்கனவே விஜய் நடிப்பில் அட்லி இயக்கிய தெறி, மெர்சல் படங்களில் நடித்த சமந்தா நடிப்பதாக கூறப்பட்டது.

ஆனால் தற்போது பூஜா ஹெக்டே அப்படத்தில் நடிப்பதாக ஒரு புதிய தகவல் வைரலாகி வருகிறது. அட்லி, அல்லு அர்ஜுன் இணையும் படம் குறித்த அதிகாரப்பூர்வ தகவல் வெளியாவதற்கு முன்பே அப்படத்தில் நடிக்கும் நாயகி யார் என்பது குறித்த பலதரப்பட்ட செய்திகள் வெளியாகி வருகிறது