Paristamil Navigation Paristamil advert login

காதல் தனிமை

காதல் தனிமை

22 சித்திரை 2024 திங்கள் 13:54 | பார்வைகள் : 388


காற்றிலாடும் கருங்குழல் கண்டு
நாணியோடும் கார்மேகங்கள்
உனைக் கண்ட சேதிசொல்ல...

மாரன் மயங்கும் மலர் கணைகள்
பிறக்கும் வேல் விழிகள்
காண விரைந்தோடி வந்தேன்...

பொன்னொளி வீசும் பொன்னணி
திலகம் தரித்த பிறைநுதல்
நெஞ்சை அள்ளிக்கொள்ள...

செவ்வான நிறமெடுத்து
தீந்தேன் தான்கலந்த செவ்விதழ்கள்
உணர்ச்சி பிழம்பை சோதிக்க...

கடலமிழ்தம் பொங்கும்
நங்கை மேனி
தாவி அணைத்தேன்...

தலையணை கையில்வர
கண்திறந்தேன்
வெறுமைக் கட்டில்..!

வர்த்தக‌ விளம்பரங்கள்