பாரிஸ் செயிண்ட் ஜேர்மனின் மிரட்டலான வெற்றி

லிகு1 தொடரில் PSG அணி 3-0 என்ற கோல் கணக்கில் வெற்றி பெற்று புள்ளிப்பட்டியலில் முதல் இடத்திற்கு முன்னேறியது.

Parc des Princes மைதானத்தில் நடந்த லிகு1 போட்டியில் பாரிஸ் செயிண்ட் ஜேர்மைன் அணி மாண்ட்பெல்லியரை எதிர்கொண்டது.

பரபரப்பாக தொடங்கிய இந்தப் போட்டியில் PSGயின் லீ காங்-இன் 10வது நிமிடத்திலேயே அபாரமாக கோல் அடித்தார். எம்பாப்வே தன்னிடம் கடத்திய பந்தை லீ கோலாக மாற்றி மிரட்டினார். 

இதனைத் தொடர்ந்து 58வது நிமிடத்தில் வாரென் ஸைர்ரே-எமெரி கோல் அடித்தார். ஆட்டத்தின் 66வது நிமிடத்தில் விட்டின்ஹா கோல் அடிக்க அதுவே பாரிஸ் செயிண்ட் ஜேர்மைன் அணியின் வெற்றி கோலாக மாறியது. 

இறுதிவரை மாண்ட்பெல்லியர் அணியால் கோல் அடிக்க முடியாததால் PSG அணி 3-0 என்ற கோல் கணக்கில் அபார வெற்றி பெற்றது. 

இதன்மூலம் புள்ளிப்பட்டியலில் 7 வெற்றிகளுடன் பாரிஸ் செயிண்ட் ஜேர்மைன் அணி முதலிடத்திற்கு முன்னேறியது. நைஸ் அணி (6 வெற்றிகள்) இரண்டாவது இடத்திலும், மொனாகோ அணி (6 வெற்றிகள்) அணி மூன்றாவது இடத்திலும் உள்ளன.