X சமூகவலைத்தளத்தில் இருந்து வெளியேறினார் - பரிஸ் நகரபிதா ஆன் இதால்கோ!!

X (பெயர் மாற்றம் செய்யப்பட்ட Twitter) சமூகவலைத்தளத்தில் இருந்து பரிஸ் நகரபிதா ஆல் இதால்கோ வெளியேறியுள்ளார். கிட்டத்தட்ட 14 வருடங்களில் பின்னர் அவர் அதில் இருந்து வெளியேறியுள்ளார்.

”நான் X தளத்தில் இருந்து வெளியேற முடிவு செய்துள்ளேன். முன்னர் அது புரட்சிகரமான கருவியாக இருந்தது. முன்னர் ஜனநாயகம் காத்தது. அதிக நாடுகளுக்கு தகவல் கொண்டு சேர்த்தது. “ என அவர் குறிப்பிட்டுள்ளார். ஆன் இதால்கோ கடந்த 2009 ஆம் ஆண்டு x தளத்தில் இணைந்திருந்தார்.

முன்னர் Twitter என அழைக்கப்பட்ட குறித்த சமூகவலைத்தளம் சென்றவருட ஒக்டோபரில் Elon Musk இனால் வாங்கப்பட்டிருந்தது. அதன் பின்னர் பல கட்டுப்பாடுகள் அதில் கொண்டுவரப்பட்டது.

உலகம் முழுவதிலும் உள்ள பல பிரபலங்கள் குறித்த சமூகவலைத்தளத்தி விட்டு வெளியேறியுள்ளமை குறிப்பிடத்தக்கது.