வண்ணமயமாக மாறிய சோம்ப்ஸ்-எலிசே! - கிறிஸ்மஸ் மின் விளக்கு அலங்காரம்!

கிறிஸ்மஸ் மாதத்தை வரவேற்கும் நோக்கில் சோம்ப்ஸ்-எலிசே வீதி விழாக்கோலம் பூண்டுள்ளது. ஆண்டுதோறும் இடம்பெறும் இந்த நிகழ்வு, நேற்று ஞாயிற்றுக்கிழமை இரவு ஆரம்பித்து வைக்கப்பட்டது.

சோம்ப்ஸ் எலிசேயில் உள்ள 400 மரங்களில் மின் விளக்குகள் பொருத்தப்பட்டு அவரை ஒளிரவிடப்பட்டுள்ளன. நேற்று ஞாயிற்றுக்கிழமை இரவு 9 மணிக்கு இந்த நிகழ்வு நடிகர்  Gilles Lellouche இனால் ஆரம்பித்து வைக்கப்பட்டது. அவருடன் பரிஸ் நகர முதல்வர் ஆன் இதால்கோ உள்ளிட்ட பலர் கலந்துகொண்டனர்.

2024 ஆம் ஆண்டு ஜனவரி 7 ஆம் திகதி வரை நாள்தோறும் இந்த மின் ‘நியோன்’ விளக்குகள் அங்கு கண்கவர் வண்ணத்தில் ஒளிர உள்ளது. 17.00 மணியில் இருந்து நள்ளிரவு வரை இந்த மின் விளக்குகள் ஒளிரவிடப்பட உள்ளன.