பனி, உறைபனி மற்றும் கடும் குளிர்: 26 மாவட்டங்களுக்கு செம்மஞ்சள் எச்சரிக்கை!!

இன்று காலை 26 மாவட்டங்கள் இன்னும் பனி மற்றும் உறைபனி காரணமாக செம்மஞ்சள் எச்சரிக்கையில் உள்ளன. நாட்டின் பெரும்பாலான பகுதிகளில் கடும் குளிர் தொடர்கிறது; சில இடங்களில் புதிய பனிப்பொழிவும் ஏற்பட்டுள்ளது. 

Charente-Maritime, Vendée போன்ற பகுதிகளில் பனிப்பொழிவு 30 செ.மீ. வரை குவிந்துள்ளது. பல நகரங்களில் வெப்பநிலை 0°C க்கும் கீழ் உள்ளது, குறிப்பாக இல்-து-பிரான்ஸ் பகுதியில் காலை 0°C மட்டுமே பதிவாகியுள்ளது. இந்த கடும் குளிர் காரணமாக சாலைகள் மிகவும் சறுக்கலாக உள்ளதாக மெத்தெயோ பிரான்ஸ் (Météo France) எச்சரித்துள்ளது.

இந்த நிலை காரணமாக நார்மண்டி, பிரிட்டானி மற்றும் பல பிற மாவட்டங்களில் பாடசாலைப் போக்குவரத்து செவ்வாய்க்கிழமை நிறுத்தப்பட்டுள்ளது. புதன்கிழமையும் நாட்டின் பாதிக்கும் மேற்பட்ட பகுதிகளில் மீண்டும் பனிப்பொழிவு  ஏற்படும் வாய்ப்பு உள்ளது, ஆனால் தெற்குப் பகுதியான Provence-Alpes-Côte-d’Azur பகுதியில் வெயில் நிலவும். 

திங்கட்கிழமை ஏற்பட்ட பனிப்பொழிவு பெரும் போக்குவரத்து குழப்பங்களையும் விபத்துகளையும் ஏற்படுத்தி, இரண்டு பேர் உயிரிழப்பதற்குக் காரணமாகியுள்ளது.