கிறிஸ்துமஸ் விடுமுறை: டிசம்பர் 24 அன்று நாடு முழுவதும் போக்குவரத்து நெரிசல்!!

கிறிஸ்துமஸ் விடுமுறையை முன்னிட்டு, டிசம்பர் 24 புதன்கிழமை பிரான்ஸ் முழுவதும் போக்குவரத்து கடுமையாக பாதிக்கப்படும் என பைசன் புயூதே (Bison Futé) அறிவித்துள்ளது. 

புறப்படும் திசையில் தேசிய அளவில்  ‘ஆரஞ்சு’ எச்சரிக்கை' விடுக்கப்பட்டுள்ளது. குறிப்பாக இல்-து-பிரான்ஸ் மற்றும் ஒவர்ன்-ரோன்-ஆல்ப்ஸ் பகுதிகளில் போக்குவரத்து மிக அதிகமாக இருக்கும் என்பதால் ‘சிவப்பு’ எச்சரிக்கை வழங்கப்பட்டுள்ளது.

புதன்கிழமை காலை முதலே மாலை ஆரம்பம் வரை போக்குவரத்து மிகுந்திருக்கும். நார்மண்டி (A13) மற்றும் அத்திலாண்டிக் கடற்கரை (A10, A11) நோக்கி செல்லும் சாலைகள், ஒவர்ன்-ரோன்-ஆல்ப்ஸ் பகுதியின் (A7) முக்கிய நெடுஞ்சாலைகள், லியோன் கிழக்கு வளையப்பாதை, (A42, A43) மற்றும்  மெடிடரேனியன் கடற்கரை பாதைகள் (A8, A9)  மிகவும் நெரிசலாக இருக்கும். 

கிறிஸ்துமஸ் தயார்ப்படுத்தல்கள், தினசரி பயணங்கள் மற்றும் விழாக்களுக்கு செல்லும் பயணங்கள் இணைந்ததால், குறிப்பாக இல்-து-பிரான்ஸ் பகுதியில் போக்குவரத்து கடும் அழுத்தத்தில் இருக்கும்.