பாடசாலைப் பயணங்கள்: பாஸ் குல்ச்சர் நிதி குறைப்பு!!

பாஸ் குல்ச்சர் (Pass Culture) திட்டத்தின் நிதி குறைப்பு பாடசாலைப் பயணங்களையும் கலாச்சார செயல்பாடுகளையும் கடுமையாக பாதித்துள்ளது. 

2026 ஆம் ஆண்டில் அரசின் பட்ஜெட்டில் இந்தத் திட்டத்திற்கு 61.8 மில்லியன் யூரோக்கள் மட்டுமே ஒதுக்கப்பட உள்ளன; இது முந்தைய ஆண்டைவிட 10 மில்லியன் யூரோக்கள் குறைவாகும். இதன் காரணமாக தியேட்டர்கள், கலைக்குழுக்கள் மற்றும் கல்வி நிறுவனங்கள் பெரும் இழப்பை எதிர்கொள்ளவுள்ளன. 

பல பாடசாலைகள் நாடகங்கள், கலைப் பயிற்சி நிகழ்ச்சிகள், கலைஞர்களுடன் சந்திப்புகள் போன்ற கலை-கலாச்சார கல்வித் திட்டங்களை ரத்து செய்ய வேண்டிய நிலைக்கு தள்ளப்பட்டுள்ளது.

இந்த நிதி முடக்கம் சமூக மற்றும் பிராந்திய அநீதிகளை அதிகரிக்கும் அபாயத்தையும் உருவாக்கி உள்ளது. பாஸ் குல்ச்சர் மூலம் அனைவருக்கும் கலாச்சார அணுகலை உறுதி செய்ய வேண்டும் என்ற நோக்கம் இருந்தபோதும், அதன் வெற்றியே இன்று அதன் வரம்பாக மாறியுள்ளது. 

மேலும், மாணவர் ஒன்றுக்கு வழங்கப்பட்ட நிதி ஒதுக்கீடு முறையை நீக்குவது குறித்து ஆசிரியர் சங்கங்கள் கவலை தெரிவித்துள்ளன. இதனால் எதிர்காலத்தில் பாடசாலைகளுக்கான கலாச்சார செயல்பாடுகள் குறையலாம் என்றும், கலை உலகமும் கல்வித் துறையும் மேலும் பாதிக்கப்படலாம் என்றும் அச்சம் நிலவுகிறது.