கியூபாவின் கிழக்கு மாகாணங்களில் ‘மெலிசா’ சூறாவளி

கரீபியனில் கோரத் தாண்டவம் ஆடிய சக்திவாய்ந்த ‘மெலிசா’ சூறாவளியைத் தொடர்ந்து, கியூபாவின் கிழக்கு மாகாணங்களில் ஏற்பட்ட வரலாறு காணாத வெள்ளத்தில் சிக்கித் தவித்த மக்களை மீட்கும் பணியில் அந்நாடு தீவிரமாக இறங்கியுள்ளது.

சூறாவளி காரணமாகக் பெய்த கனமழையால், கியூபாவின் நீளமான நதியான ரியோ கௌடோ (Rio Cauto) தன் கரைகளை உடைத்துக் கொண்டு ஓடியது. இதனால், நாட்டின் முக்கியப் பகுதிகளில் போக்குவரத்துத் துண்டிக்கப்பட்டது.

வெள்ளத்தில் சிக்கியவர்களை மீட்கும் பணியில் அவசர கால ஊழியர்கள், படகுகள் மற்றும் ராணுவ வாகனங்கள் பயன்படுத்தப்பட்டன. தண்ணீர் இடுப்பளவுக்கு மேல் இருந்த பகுதிகளில், மீட்புக் குழுவினர் நீச்சலுடைகளுடன் (Wetsuits) மக்களை மீட்டனர்.

கியூபாவின் கிரான்மா மாகாணத்தில், தீயணைப்புத் துறையும் செஞ்சிலுவைச் சங்கமும் இணைந்து 385 பேரை மீட்டதாகத் தகவல் வெளியாகியுள்ளது. இந்தச் சூறாவளி கரையைக் கடக்கும் முன்பே, கியூபா அதிகாரிகள் கிழக்கு மாகாணங்களில் வசித்த 7,35,000க்கும் அதிகமான மக்களை பாதுகாப்பான இடங்களுக்கு வெற்றிகரமாக வெளியேற்றினர்.

வீடுகள், மின் இணைப்புகள், சாலைகள் மற்றும் பயிர்களுக்குப் பெரும் சேதம் ஏற்பட்டுள்ளதாகவும், பல கிராமங்கள் துண்டிக்கப்பட்ட நிலையில் இருப்பதாகவும் அதிகாரிகள் தெரிவித்துள்ளனர்.

மெலிசா சூறாவளியால் கியூபாவில் இதுவரை எந்த உயிரிழப்பும் ஏற்படவில்லை என கியூபா அரசு அறிவித்துள்ளது.

(ஆனால், ஜமைக்கா மற்றும் ஹைதி ஆகிய நாடுகளில் உயிரிழப்புகள் பதிவாகியுள்ளன.) வெள்ளம் வடிந்து, சாலைகள் சீரமைக்கப்பட்டு, பாதிக்கப்பட்ட மக்கள் இயல்பு வாழ்க்கைக்குத் திரும்புவதற்கான மீட்பு மற்றும் நிவாரணப் பணிகள் தொடர்ந்து நடைபெற்று வருகின்றன.