திருமண வாழ்க்கையில் தம்பதிகள் நிதி ஏற்றத்தாழ்வை சமாளிக்க உதவும் 5 சிறந்த வழிகள்

திருமண வாழ்க்கையில் நிதி சமநிலை பாதிக்கப்படும் சூழ்நிலைகளில், கணவன், மனைவி ஆகிய இருவரும் எப்படி நடந்து கொள்ள வேண்டும் என்பது பற்றிய, நிதி ஏற்றத்தாழ்வை சமாளிக்க உதவும் 5 சிறந்த வழிகளை இந்த பதிவில் தெரிந்து கொள்வோம்.

திருமணத்தில் காதலும், நம்பிக்கையும் அடிப்படை என்றாலும், நிதி ஒரு உறவை நிலைத்திருக்கச் செய்யும் முக்கியத் தூண்களில் ஒன்றாகும். நம் வாழ்க்கையின் போது, “என்” வருமானம் அல்லது “உன்” செலவுகள் எனக் குறிப்பிடும் போக்குகள் தோன்றும் போது, அது அந்த உறலையே சீர்குலைக்க செய்யும். உண்மையில், வாழ்க்கை முறையும் வருமான நிலைகளும் நேரங்கள் போகப் போக ஒத்துப் போகவில்லை என்பதே இயல்பான விஷயம். ஆனால், அந்த மாற்றங்களுக்கு இடையே நாம் எவ்வாறு செயல்படுகிறோம் என்பதே உறவின் உறுதியை தீர்மானிக்கிறது.

இந்த பதிவில், திருமணத்தில் நிதி சமநிலை பாதிக்கப்படும் சூழ்நிலைகளில், தம்பதி இருவரும் எப்படி புரிந்துணர்வுடனும், சுய மதிப்புடனும், எப்படி அமைதியாக கையாள வேண்டும் என்பதற்கான ஐந்து முக்கியமான வழிமுறைகள் வழங்கப்பட்டுள்ளது. உறவின் நலனுக்காக அவற்றை நடைமுறை வழக்கில் கொண்டு வருவது

திருமணம் என்பது "உங்கள் பணம் - எனது பணம்" என்ற வியாபாரப் பரிமாற்றம் அல்ல. அது இருவரும் இணைந்து வாழும் ஓர் வாழ்க்கைப் பயணம். வாழ்க்கையின் ஏற்றத்தாழ்வுகள் போலவே, நிதி நிலைகளும் காலப்போக்கில் மாறுபடுகின்றன. ஒருவரின் வருமானம் உயரக் கூடும், மற்றவரது நிலை குறையக் கூடும். இந்த மாற்றங்களை ஏற்றுக்கொள்வதற்குப் பதிலாக, ஒருவரை ஒருவர் குறை கூறத் தொடங்கும் போக்கு, நம்பிக்கையுடன் கூடிய உறவில் பிளவை ஏற்படுத்தலாம்.

நிதி ஏற்றத்தாழ்வுகளை எதிர்கொள்வது இயற்கையானது. ஆனால், அதைக் கையாளும் முறையில் தான் திருமண உறவின் வலிமையும், நெருக்கமும் நிலைபெறுகிறது. உங்கள் துணையுடன் நிதியைச் சுற்றி உருவாகும் சிக்கல்களை சமாளிக்க உதவும் ஐந்து முக்கிய வழிமுறைகளை இனி பார்ப்போம்.

நிதி பற்றிய பாதுகாப்பின்மை, மன அழுத்தமாகவும், ஒருவருக்கொருவர் சந்தேகத்தையும், வெறுப்பையும் தூண்டும். ஒருவரின் செயலை மற்றவர் தவறாக புரிந்து கொள்ளும் வாய்ப்பும் அதிகமாகும். எடுத்துக்காட்டாக, பிறந்தநாள் பரிசாக கொடுக்கப்படும் சட்டையில் விலைக் குறி நீக்கப்படாமல் இருந்தால், அது அதன் விலையைக் காட்டுவதற்காக அல்ல, சட்டையை மாற்ற வேண்டிய தேவையிருந்தால் மாற்றிக் கொள்ளலாம் என்கிற வசதிக்காகவும் இருக்கலாம்.

தெளிவான உரையாடல் தான் தீர்வுக்கு வழிவகுக்கும். நிதி குறித்து ஒருவரை ஒருவர் நீங்களே தீர்மானித்துக் கொள்ளாமல் நேரடியாகப் பேசுவதே சிறந்தது.

யாரும் திட்டமிட்டுத் தவறு செய்வதில்லை. சில சமயம் உங்கள் துணை குறைவாக சம்பாதிக்கலாம். ஆனால், அதற்காக அவர்களது முயற்சி தோல்வியாகிவிடாது.
அவர்கள் குடும்பத்திற்காகச் செய்யும் சிறிய முயற்சிகளையும் கவனியுங்கள், பாராட்டுங்கள். அன்பும், அங்கீகாரமும் உறவில் நிதி சமநிலையை ஏற்படுத்துகிறது.

ஒருவரது வங்கிக் கணக்கு, அவர்களின் மதிப்பைக் குறிக்காது. அதிகம் சம்பாதிப்பவர் முடிவெடுப்பதில் ஆதிக்கம் செலுத்துவது சரியாக இருக்காது.உறவில் உள்ள பங்களிப்புகள் நிதி மட்டுமே அல்ல. உணர்ச்சிப்பூர்வமான ஆதரவு, பராமரிப்பு, பொறுப்புணர்வு இவை அனைத்தும் தான். எனவே, அனைத்துப் பங்களிப்புகளும் மதிக்கப்பட வேண்டும்.

தம்பதிகள் தங்கள் வருமானங்களை இணைத்து நிதி திட்டமிடும் போது, எதிர்பாராத நெருக்கடிகளையும் எளிதாக சமாளிக்க முடியும்.ஒன்றிணைந்த சேமிப்பு திட்டங்கள் குறைவான வாதங்கள் மற்றும் அதிக உறவுத் திருப்தியை உருவாக்குகின்றன.

வாழ்க்கை மாறிக்கொண்டே இருக்கிறது. அதேபோல், உங்களது வருமானமும், செலவும் நிலையாக இருக்காது.
நிதி திட்டங்களை மறுபரிசீலனை செய்து, உங்கள் தற்போதைய சூழ்நிலைக்கேற்ப மாற்றி திட்டமிடுங்கள். நிதியில் நேர்மையான ஒழுங்குமுறை, உங்கள் உறவில் தெளிவையும், நம்பிக்கையையும் அதிகரிக்கும்.

திருமணத்தில் பணம் என்பது ஒரு சர்ச்சைக்குரிய ஒன்றாக இல்லாமல், புரிந்து கொண்டு கையாளப்பட வேண்டிய ஒரு பொறுப்புாகும். உங்கள் துணையின் நிதி நிலையை ஒப்பீடு செய்யாமல், ஒன்றாக நிதி சிக்கல்களை எதிர்கொள்வது உறவை உறுதியானதாக்கும். அன்பு, நம்பிக்கை, மற்றும் வெளிப்படையாக பேசுவது போன்றைவை தான் நிதி ஏற்றத்தாழ்வைக் கடந்து செல்வதற்கான சிறந்த வழிகள் ஆகும்.