இஸ்ரேல் விமான நிலையத்திற்கு அருகே ஏவுகணை தாக்குதல்

4 வைகாசி 2025 ஞாயிறு 17:12 | பார்வைகள் : 188

விளம்பரம்

93-94-95-77 பகுதிகளில் 4 pièces 2p - 3p- 5p

டெல் அவிவ் விமான நிலையத்திற்கு அருகே ஏவுகணை தாக்குதல் நடந்ததை அடுத்து விமானப் போக்குவரத்து பாதிக்கப்பட்டுள்ளது.

ஞாயிற்றுக்கிழமை காலை ஏமனில் இருந்து ஏவப்பட்ட ஏவுகணை ஒன்று டெல் அவிவ் அருகே அமைந்துள்ள இஸ்ரேலின் முக்கிய விமான நிலையமான பென் குரியன் சர்வதேச விமான நிலையத்தின் அருகே விழுந்ததாக இஸ்ரேலிய அதிகாரிகள் தெரிவித்தனர்.

சம்பவத்தை நேரில் பார்த்தவர்கள் மற்றும் இணையத்தில் பரவி வரும் உறுதிப்படுத்தப்படாத காணொளிக் காட்சிகள், அருகிலுள்ள சாலையில் வாகனங்கள் நிறுத்தப்பட்டிருப்பதையும், ஒரு வெடிபொருள் தரையில் வெடித்து கரும்புகை எழுந்ததையும் காட்டுகின்றன.

இந்த வெடிப்பில் நேரடியாக நான்கு பேர் காயமடைந்ததாகவும், தங்குமிடம் தேடிச் சென்ற மேலும் இருவர் காயமடைந்ததாகவும் அவசர மருத்துவ சேவைகள் தெரிவித்தன.

இந்த சம்பவத்திற்கு பதிலளித்த இஸ்ரேல் பாதுகாப்பு அமைச்சர் இஸ்ரேல் காட்ஸ், "எங்களைத் தாக்குபவர்களை ஏழு மடங்கு வலிமையாக தாக்குவோம்" என்று கடுமையாக எச்சரித்தார்.

இதற்கிடையே, ஹவுதி இராணுவ செய்தித் தொடர்பாளர் யஹ்யா சரீ தொலைக்காட்சியில் உரையாற்றுகையில், இஸ்ரேல் விமான நிலையம் "இனி விமானப் பயணத்திற்கு பாதுகாப்பானது அல்ல" என்று கூறினார்.

விமான சேவைகள் தற்காலிகமாக நிறுத்தப்பட்ட பின்னர், பென் குரியன் விமான நிலையம் மீண்டும் திறக்கப்பட்டுள்ளது.

ஏவுகணை நெருங்கியதும், இஸ்ரேலின் பல பகுதிகளில் விமான தாக்குதல் எச்சரிக்கை ஒலி எழுப்பப்பட்டது. இந்த ஏவுகணையை இடைமறிக்கத் தவறியது குறித்து இஸ்ரேல் விமானப்படை விசாரணை நடத்தி வருவதாக தெரிவித்துள்ளது.