பரிஸ் புறநகரில் வீடு இடிந்து விழுந்து - மூவர் காயம்!!

பரிசின் மேற்கு புறநகரில் கட்டுமானப்பணிகள் இடம்பெற்று வந்த வீடொன்று இடிந்து விழுந்ததில் மூவர் காயமடைந்துள்ளனர்.

ஜனவரி 7, இன்று செவ்வாய்க்கிழமை காலை 9 மணி அளவில் இச்சம்பவம் Boulogne-Billancourt நகரில் இடம்பெற்றுள்ளது. அங்குள்ள வீடொன்றில் திருத்தப்பணிகள் இடம்பெற்றிருந்த வேளையில், திடீரென வீடு இடிந்து விழுந்துள்ளது. சம்பவத்தின் போது மூன்று வேலையாட்கள் இருந்ததாகவும், அவர்கள் மூவரும் காயமடைந்து மருத்துவமனைக்கு கொண்டுசெல்லப்பட்டதாகவும் தெரிவிக்கப்படுகிறது.

இச்சம்பவம் அப்பகுதியில் பெரும் சோகத்தினை ஏற்படுத்தியுள்ளது.