இரண்டு வெவ்வேறு மீட்புப்பணிகள்... 160 அகதிகள் கடலில் இருந்து மீட்பு!

பிரான்சில் இருந்து பிரித்தானியா நோக்கி பயணித்த அகதிகள் தடுத்து நிறுத்தப்பட்டு, 160 பேர் மீட்கப்பட்டுள்ளனர்.

ஒக்டோபர் 31 - நவம்பர் 1 ஆம் திகதிகளுக்கு உட்பட்ட இரவில் இச்சம்பவம் Nord மற்றும்  Pas-de-Calais ஆகிய இரு மாவட்டங்களில் இடம்பெற்றுள்ளது. முதலாவது சம்பவம் Nord மாவட்ட கடற்கரை வழியாக படகொன்றில் 57 பேர் பயணித்த நிலையில் அவர்களை பிரெஞ்சு கடற்படையினர் மீட்டுள்ளனர். 

அச்சம்பவம் இடம்பெற்ற அதேவேளை,  Pas-de-Calais மாவட்டத்தின் கடற்பிராந்தியம் வழியாக இரண்டு படகுகளில் 103 பேர் பயணித்துள்ளனர். அவர்களை பிரித்தானிய கடற்படையினர் மீட்டுள்ளனர்.

இவ்வருடத்தின் ஆரம்பத்தில் இருந்து இதுவரை 60 அகதிகள் இதுபோன்ற ஆபத்தான கடற்பயணங்களில் பலியாகியுள்ளமை குறிப்பிடத்தக்கது.