பாகிஸ்தானில்   அதிக பாலியல் துஷ்பிரயோகங்களுக்கு உள்ளாகும் சிறுவர்கள்

பாகிஸ்தானில் இவ்வருடத்தின் முதல் 6 மாதங்களில் 1,630 சிறுவர் துஷ்பிரயோகங்கள் பதிவாகியுள்ளன.

பாகிஸ்தானில் உள்ள அரச சார்பற்ற நிறுவனமொன்றினால் மேற்கொள்ளப்பட்ட ஆய்வறிக்கையின் மூலம் இந்த தகவல்கள் கண்டறியப்பட்டுள்ளதாக அந்நாட்டு ஊடகங்கள் தெரிவித்துள்ளன.

அதன்படி, பாகிஸ்தானில் இவ்வருடத்தின் முதல் 6 மாதங்களில் 862 சிறுவர் பாலியல் துஷ்பிரயோகங்கள், 668 சிறுவர் கடத்தல்கள் , 18 சிறுவர் திருமணங்கள் பதிவாகியுள்ளதுடன் 82 சிறுவர்கள் காணாமல் போயுள்ளதாக தெரிவிக்கப்பட்டுள்ளது.

6 முதல் 15 வயதுக்குட்பட்ட சிறுவர்களே அதிகம் பாலியல் துஷ்பிரயோகங்களுக்கு உள்ளாகுவதாக தெரிவிக்கப்பட்டுள்ளது.