Ivry-sur-Seine : கத்திக்குத்து தாக்குதல்...

Ivry-sur-Seine (Val-de-Marne) நகரில் இவ்வார திங்கட்கிழமை காலை கத்தி குத்து தாக்குதல் ஒன்று இடம்பெற்றது. தாக்குதலாளி தேடப்பட்டு வருகிறார்.

rue Verollot வீதியில் மகிழுந்தில் காத்திருந்த ஒருவரே காலை 9 மணி அளவில் கத்திக்குத்துக்கு இலக்காகியுள்ளார். அவரது கழுத்துப்பகுதியில் கத்தியால் குத்தப்பட்டதில், படுகாயமடைந்து பரிஸ் 13 ஆம் வட்டாரத்தில் உள்ள Pitié-Salpêtrière மருத்துவமனைக்கு அழைத்துச் செல்லப்பட்டார்.

தாக்குதலாளி சம்பவ இடத்தில் இருந்து தப்பி ஓடியுள்ள நிலையில், அவர் தேடப்பட்டு வருகிறார்.

இச்சம்பவம் இடம்பெறுவதற்கு இரண்டுமணிநேரத்துக்கு முன்பு அதே பகுதியில் துப்பாக்கிச்சூடு சம்பவம் ஒன்றும் இடம்பெற்றுள்ளது.