RER C தண்டவாளத்தில் கவிழ்ந்த மகிழுந்து! - சாரதி உயிராபத்தில்..!!

மகிழுந்து ஒன்று தொடருந்து கடவையை உடைத்துக்கொண்டு பாய்ந்து, RER C தொடருந்துடன் மோதுண்டு விபத்துக்குள்ளானது. 

இன்று பிற்பகல் 1.30 மணி அளவில் Choisy-Le-Roi (Val-de-Marne) நகரில் இச்சம்பவம் இடம்பெற்றுள்ளது. மகிழுந்து சாரதி கட்டுப்பாட்டை இழந்து, வீதியில் இருந்து பாய்ந்து, தடையை உடைத்துக்கொண்டு RER C தொடருந்துடன் மோதுண்டது. 

5 அடி ஆளத்தில் இருந்த தண்டவாளத்துக்குள் சிக்கியதில் மகிழுந்து சாரதி படுகாயமடைந்தார்.

சாரதி 18 வயதுடையவர் எனவும், உடனடியாக அவர் மருத்துவமனையில் அனுமதிக்கப்பட்டதாகவும் அறிய முடிகிறது. பிற்பகல் 4.30 மணி வரை Juvisy (Essonne) நிலையம் வரை போக்குவரத்து தடைப்பட்டது.