இலங்கையில் மின் கட்டணம் 18 வீதம் குறைப்பு!

22 மாசி 2024 வியாழன் 15:32 | பார்வைகள் : 3806

விளம்பரம்

நீங்கள் ஒரு கணக்காளரை தேடுகிறீர்களா? 
உங்கள் வருமானம் வருடத்திற்கு 200 000க்கு

எதிர்வரும் நாட்களில் மின் கட்டணம் குறைக்கப்பட்டு, சலுகைகள் பொது மக்களுக்கு வழங்கப்படும் என எதிர்பார்க்கப்படுகிறது.

கடந்த காலங்களில் மின் கட்டணம், நீர் கட்டணம், வட் வரி உயர்வு, மற்றும் எரிபொருள் விலை உயர்வு என்பவற்றினால் பெரிதும் பாதிக்கப்பட்ட இலங்கை மக்களுக்கு இது ஒரு நல்ல செய்தியாக அமையும்.

மின் கட்டண குறைப்புக்கு அமைவாக நீர் கட்டணமும் கணிசமான அளவு குறைக்கப்படலாம் என்றும் எதிர்பார்க்கப்படுகிறது.
 
இந்த கட்டணத் திருத்தத்தின் மூலம் தாம் ஈட்டிய இலாபத்தின் நன்மைகளை நுகர்வோருக்கு வழங்குவதற்கு அரச மின்சார விநியோக நிறுவனம் உத்தேசித்துள்ளதாக இலங்கை மின்சார சபையின் முன்னாள் பேச்சாளர் நோயல் பிரியந்த குறிப்பிட்டுள்ளார்.
 
கடந்த ஒக்டோபர் மாதம் அதிகரிக்கப்பட்ட மின் கட்டணத்தை குறைப்பதற்கான யோசனையை இலங்கை மின்சார சபை இலங்கை பொதுப் பயன்பாடுகள் ஆணைக்குழுவிடம் சமர்ப்பிக்க உள்ளதாக மின்சக்தி மற்றும் எரிசக்தி அமைச்சர் காஞ்சன விஜேசேகர தெரிவித்துள்ளார்.

நாடாளுமன்றில் நேற்று புதன்கிழமை நடைபெற்ற நாட்டின் தற்போதைய நிலைவரம் தொடர்பான சபை ஒத்திவைப்பு விவாதத்தில் கலந்து கொண்டு உரையாற்றும் போதே அமைச்சர் இதனை கூறினார்.