கொவிட் காலத்துக்கு முந்தைய போக்குவரத்தை அளவை நெருங்கிய விமான நிலையங்கள்!

கொவிட் 19 காலத்துக்கு முந்தைய அளவு போக்குவரத்து அளவை சென்ற ஆண்டு பரிஸ் விமான நிலையஙகள் நெருங்கியுள்ளன. 

Paris-Charles-de-Gaulle (CDG) மற்றும் Orly சர்வதேச விமான நிலையங்களில் வழியாக  2023 ஆம் ஆண்டு 99.7 மில்லியன் பயணிகள் பயணித்துள்ளனர். இந்த எண்ணிக்கை சென்ற ஆண்டை விட 15.1% சதவீதம் அதிகமாகும். 

எவ்வாறாயினும் இதுவரை அதிக பயணிகள் பயணித்த ஆண்டாக 2019 ஆம் ஆண்டு அமைந்திருந்தது.  அதனோடு ஒப்பிடுகையில் கிட்டத்தட்ட 92% சதவீதத்தை நெருங்கியுள்ளது. 

பிரான்சில் சுற்றுலாத்துறை சென்ற ஆண்டு கணிசமான இலாபத்தினைச் சந்தித்திருந்தது. தங்குமிடங்கள், திரையரங்குகளிலும், குளிர்கால மலிவு விற்பனையும் நல்ல முன்னேற்றத்தைக் கண்டிருந்தது. லூவர் அருங்காட்சியகமும் 2019 ஆம் ஆண்டினை நெருங்கிய பார்வையாளர்களை சென்ற ஆண்டில் சந்தித்திருந்தமை குறிப்பிடத்தக்கது.