எழுத்துரு விளம்பரம் - Text Pub |
நூற்றாண்டின் மிகப்பெரிய கண்டுபிடிப்பு: மனித உடலில் புதிய பாகம்
26 December, 2021, Sun 8:48 | views: 7828
விஞ்ஞானிகள் உடலில் ஒரு புதிய பாகத்தை கண்டுபிடித்துள்ளனர். இந்த பாகம் பற்றி இதற்கு முன்பு எந்த குறிப்பும் இல்லை என்பது குறிப்பிடத்தக்கது. இந்த பகுதி தாடையின் மாஸெட்டர் தசையின் ஆழமான அடுக்கில் காணப்படுகிறது. மாஸெட்டர் தசை (Masseter Muscle) தாடையின் கீழ் பகுதியை உயர்த்துகிறது. உணவை மெல்லுவதில் இது முக்கிய பங்கு வகிக்கிறது.
மாடர்ன் அனாடமி பாடப் புத்தகம் மாசட்டரின் இரண்டு அடுக்குகளைக் குறிப்பிடுகிறது. இது ஒரு ஆழமான மற்றும் மேலோட்டமான அடுக்கை கொண்டது.
எங்கள் கூட்டாளர் வலைத்தளமான வியானின் அறிக்கையின்படி, இந்த கண்டுபிடிப்பு Anals of Anatomy என்ற அறிவியல் இதழின் ஆன்லைன் பதிப்பில் வெளியிடப்பட்டுள்ளது. வரலாற்று நூல்களில் எழுதப்பட்ட தாடை தசைகளில் மறைந்திருக்கும் உறுப்பைக் கண்டறிய தங்கள் குழு ஆய்வைத் தொடங்கியதாக விஞ்ஞானிகள் தெரிவித்தனர்.
இந்த ஆராய்ச்சியை (Scientific Research) மேற்கொள்ள, இறந்த 12 மனிதர்களின் உடல்களை ஃபார்மால்டிஹைட் மூலம் பாதுகாத்து வைத்தனர். விஞ்ஞானிகள் உடலின் தலையை ஆய்வு செய்தபோது, அதிர்ச்சியூட்டும் முடிவுகள் கிடைத்தன. பழங்கால நூல்களில் குறிப்பிடப்பட்டுள்ள இடத்திலிருந்து சற்று தொலைவில், உடலின் வேறு ஒரு பகுதியை அவர்கள் கண்டறிந்தனர்.
விஞ்ஞானிகள் ஆராய்ச்சியின் போது 16 புதிய இறந்த உடல்களின் சிடி ஸ்கேன் செய்தனர். அவற்றை உயிருள்ள மனிதனின் எம்ஆர்ஐ ஸ்கேன்களுடன் ஒப்பிட்டனர். அப்போது, தாடை தசைகளில் மூன்றாவது அடுக்கு இருப்பதை அவர்கள் கண்டனர்.
இந்த ஆழமான அடுக்கு ஜிகோமாடிக் செயல்முறை மூலம் இயங்குகிறது என்று விஞ்ஞானிகள் தெரிவித்தனர். இந்த செயல்முறை கன்னங்களின் மென்மையான எலும்புகளை திடப்படுத்துகிறது. இதை கன்னத்தின் பின்புறத்தில் உணரலாம்.
சுவிட்சர்லாந்தில் உள்ள பாசல் பல்கலைக்கழகத்தின் உயிரியல் மருத்துவத் துறையின் விரிவுரையாளரும், ஆய்வுக் கட்டுரையின் ஆசிரியருமான சில்வியா மெஜி (Szilvia Mezey), தசையின் இந்த ஆழமான பகுதி முன்னர் அறியப்பட்ட இரண்டு அடுக்குகளிலிருந்து முற்றிலும் வேறுபட்டது என்று கூறினார்.
இந்த அடுக்கு கீழ் தாடையை உறுதிப்படுத்த உதவுகிறது என்று சில்வியா மெஜி கூறினார். கடந்த 100 ஆண்டுகளில் உடற்கூறியல் பற்றிய பல வித ஆராய்ச்சிகள் செய்யப்பட்டுள்ளன. சாத்தியமான அனைத்து வித ஆய்வுகளும் நடத்தப்பட்டுள்ளன. அந்த வகையில், இந்த கண்டுபிடிப்பு இந்த நூற்றாண்டின் மிகப்பெரிய கண்டுபிடிப்பாகக் கருதப்படலாம் என்று பாஸல் பல்கலைக்கழகத்தின் பல் மருத்துவ மையத்தின் பேராசிரியரான டாக்டர். ஜென்ஸ் கிறிஸ்டோஃப் டர்ப் கூறினார்.
 முன் | அடுத்த  |
| ||||
 கறவை மாடுகளை க்ளோனிங் செய்யும் சீனா!6 February, 2023, Mon 11:30 | views: 594
 இன்னும் 2015ஆம் ஆண்டில் வாழும் மக்கள் - கிரெகொரியின் நாட்காட்டியின் மர்மம்31 January, 2023, Tue 11:27 | views: 1558
 மனிதகுலத்தின் அழிவுக்கு '90 விநாடி' - Doomsday கடிகாரத்தில் மாற்றம்27 January, 2023, Fri 6:57 | views: 1627
 மது அருந்துவது டிஎன்ஏவையும் தாக்கும் புதிய ஆராய்ச்சி தகவல்17 January, 2023, Tue 11:33 | views: 2319
 பிரித்தானியாவில் உலகை மிரள வைத்த கல்வட்டம்9 January, 2023, Mon 12:17 | views: 3327
முன் |
கிராமத்துத் தளங்கள் |
| அளவெட்டி |
| இடைக்காடு |
| இணுவில் |
| குரும்பசிட்டி |
| குப்பிளான் |
| கோண்டாவில் |
| பண்ணாகம் |
| பனிப்புலம் |
| புங்குடுதீவு |
| மயிலிட்டி |
| மண்டதீவு |
| மன்னார் |
| மானாவலை |
| நாகர்மணல் |
விளம்பரத் தொடர்புகளுக்கு
