Paristamil France administration Paristamil France administration
விளம்பரம் செய்ய வர்த்தகர் பதிவு வழிகாட்டி பிரிவு  
paristamil
 எழுத்துரு விளம்பரம் - Text Pub
அழகுக் கலைநிபுனர் தேவை
10102018
வேலையாள்த் தேவை
10102018
கடை / Bail விற்பனைக்கு
06102018
Abi Auto பயிற்சி நிலையம்
250918
வாடகைக்கு வீடு
06102018
திருமண மண்டப சேவை
250918
Bail விற்பனைக்கு
250918
Beautician தேவை
27092018
நிகழ்வு சேவைகள்
220918
மணப்பெண் அலங்காரம்
200918
Baill விற்பனைக்கு
130918
வர்த்தகர்கள் கவனத்திற்கு
150918
ஆங்கில வகுப்புக்கள்
130918
Drancy நகரில் ஆங்கில கல்வி நிலையம்
210818*15
ஜோதிட நிலையம்
170818*15
மூலிகை வைத்தியம்
190718*15
வீடுகள் விற்க
30112017
விளம்பர தொடர்புக்கு
விளம்பர கட்டணம்
விரைவாய் விளம்பரம் செய்ய
Paristamil
மின்னஞ்சலில்
கவனத்திற்குரிய செய்தி
நீம் - சனத்திரளினுள் அல்லாஹ் அக்பர் எனப் புகுந்த வாகனம் - பயங்கரவாதத் தாக்குதலா?
France Tamilnews
நெதர்லாந்தை வீழ்த்திய பிரான்ஸ்!!
France Tamilnews
பிரான்சின் வெற்றித்திருவிழா! - புகைப்படங்களின் தொகுப்பு!!
France Tamilnews
பரிசின் வீரனுக்கு பொபினியில் வதிவிட அட்டை - புகைப்படங்கள் இணைப்பு
France Tamilnews
அவதானம் - மணிக்கு 80 கிலோமீற்றர் வேகமாகக் குறைக்கப்படும் சாலைகள்!!
France Tamilnews
சுற்றுச்சுவரை உடைத்துக்கொண்டு பறந்த விபத்தில் இருந்து விமானம் தப்பியது எப்படி? பரபரப்பு தகவல்கள்
13 October, 2018, Sat 4:26 GMT+1  |  views: 384

திருச்சி சர்வதேச விமான நிலையத்தில் இருந்து உள்நாட்டு சேவை தவிர துபாய், சிங்கப்பூர், மலேசியா, இலங்கை ஆகிய நாடுகளுக்கும் விமானங்கள் இயக்கப்பட்டு வருகிறது.

ஏர் இந்தியா எக்ஸ்பிரஸ் நிறுவனம் திருச்சியில் இருந்து துபாய்க்கு தினமும் விமானங்களை இயக்கி வருகிறது. இந்த நிறுவனத்தின் விமானம் ஒன்று தினமும் அதிகாலை 1.15 மணிக்கு திருச்சியில் இருந்து புறப்பட்டு துபாய்க்கு செல்வது வழக்கம்.

துபாயில் இருந்து நள்ளிரவு 12 மணிக்கு வந்த இந்த விமானம், வழக்கம் போல் நேற்று அதிகாலை 1.15 மணிக்கு மீண்டும் துபாய்க்கு புறப்பட தயாரானது.

துபாய் செல்வதற்காக வந்திருந்த பயணிகள் 130 பேரும் அதில் ஏறி அமர்ந்தனர். அதில் விமானிகள் (பைலட்) உள்பட 6 ஊழியர்களும் இருந்தனர். விமானிகள் கணேஷ் பாபு, அனுராக் ஆகியோர் விமானத்தை இயக்கினார்கள்.

ஓடுபாதையின் கிழக்கு பகுதியில் இருந்து மேற்கு பகுதி நோக்கி ஊர்ந்து வந்த விமானம் தரையில் இருந்து எழும்பி பேரிரைச்சலுடன் மேலே பறக்க முயன்றது. அப்போது விமானத்தின் பின்பக்க சக்கரங்கள் ஓடுபாதையின் கடைசி பகுதியில் இருந்த ஐ.எல்.எஸ். எனப்படும் ஆண்டெனா கருவிகள் மீது மோதி, அதன் அருகில் உள்ள விமான நிலையத்தின் சுற்றுச்சுவரின் மேல் பகுதியை உடைத்துக்கொண்டு பறந்தது.

விமானத்தின் சக்கரங்கள் இடித்ததால், சுமார் 10 அடி உயரம் உள்ள அந்த சுற்றுச்சுவரின் மேல் பகுதியில் 2 இடங்களில் தலா 5 அடி அகலத்திற்கு சுவர் இடிந்து விழுந்தது. 5 ஆண்டானா கருவிகளும், ஒரு கண்காணிப்பு கருவியும் வளைந்து சேதம் அடைந்தன. இந்த சம்பவம் சரியாக அதிகாலை 1.19 மணிக்கு நடந்தது. ஆனாலும் விமானம் எந்த வித பிரச்சினையும் இன்றி வானில் பறந்தது.

விமானத்தின் சக்கரங்கள் மோதியதில் சுற்றுச்சுவர் உடைந்து விழுந்ததை அருகில் உள்ள கண்காணிப்பு கோபுரத்தில் நின்று கொண்டிருந்த மத்திய தொழில் பாதுகாப்பு படை வீரர் பார்த்தார். உடனே அவர் இதுபற்றி உயர் அதிகாரிகளுக்கும், விமான நிலையத்தின் கட்டுப்பாட்டு அறைக்கும் தகவல் தெரிவித்தார்.

இதனை தொடர்ந்து திருச்சி விமான நிலைய இயக்குனர் குணசேகரன் உள்பட அதிகாரிகள் குழுவினர் மற்றும் மத்திய தொழில் பாதுகாப்பு படை அதிகாரிகள் அங்கு விரைந்து வந்தனர். உடனடியாக கட்டுப்பாட்டு அறை மூலம் அந்த விமானிக்கு விபத்து நடந்திருப்பது பற்றி தகவல் கொடுக்க முயன்றனர். ஆனால் அதற்குள் விமானம் திருச்சி வான் எல்லையை தாண்டி சென்று விட்டதால் பெங்களூரு விமான நிலைய கட்டுப்பாட்டு அறை மூலம் விமானியை தொடர்புகொள்வதற்கான ஏற்பாடுகளை செய்தனர்.

மேலும் திருச்சி விமான நிலையத்தில் விமானங்கள் இறங்குதல், மற்றும் ஏறுவதற்கு வழிகாட்டியாக இருக்கும் ஐ.எல்.எஸ். கருவிகள் விமானம் மோதியதில் சேதம் அடைந்து இருப்பது பற்றி விமான நிலைய ஆணைய குழும அதிகாரிகளுக்கு தகவல் கொடுத்து விட்டு வி.ஓ.ஆர். என்ற மாற்று வழி மூலம் விமானங்களை இயக்குவதற்கு ஏற்பாடு செய்தனர். இதனால் திருச்சி விமான நிலையத்தில் இருந்து விமானங்களை இயக்குவதில் எந்த பிரச்சினையும் ஏற்படவில்லை.

சுற்றுச்சுவரை இடித்து தள்ளி விட்டு பறந்து சென்ற விமானம் எந்த வித சேதமும் இன்றி துபாய் வரை பறக்க முடியுமா? அதில் உள்ள ஊழியர்கள் உள்பட 136 பயணிகளும் துபாய் வரை பாதுகாப்பாக போய்ச் சேர முடியுமா? என்ற சந்தேகமும் அதிகாரிகளுக்கு ஏற்பட்டது. விமானம் சுற்றுச்சுவர் மீது மோதிய போது விமானத்தில் இருந்த பயணிகளுக்கு பெரிய அளவில் சத்தம் கேட்டுள்ளது. ஆனால் என்ன நடந்தது? எதனால் இந்த சத்தம்? என்று தெரியாமல் பயணிகள் உயிர்ப் பயம் மேலோங்க ஆபத்தான பயணத்தை தொடர்ந்தனர்.

இதற்கிடையே பிரச்சினைக்குரிய அந்த விமானம் மஸ்கட் நகர் எல்லைக்குள் சென்று விட்டது. அப்போது விமான நிலைய ஆணைய குழும அதிகாரிகள் விமானத்தை மும்பை விமான நிலையத்தில் தரை இறக்குமாறு விமானிக்கு கட்டளை பிறப்பித்தனர்.

இந்த கட்டளையை ஏற்று விமானிகள் விமானத்தை மும்பைக்கு திருப்பி ஓட்டி வந்து அங்குள்ள விமான நிலையத்தில் அதிகாலை 5.30 மணிக்கு தரை இறக்கினார். விமானம் பாதுகாப்பாக தரை இறங்கிய பின்னரே அதில் இருந்த 136 பயணிகளும், ஊழியர்களும் தாங்கள் அதிர்ஷ்டவசமாக உயிர் தப்பியதை எண்ணி ஆனந்த கண்ணீர் விட்டனர்.

மும்பையில் விமானம் தரை இறங்கிவிட்டது என்ற தகவல் உறுதிப்படுத்தப்பட்ட பின்னரே திருச்சி விமான நிலைய அதிகாரிகளும் நிம்மதி பெருமூச்சு விட்டனர்.

பின்னர் அந்த பயணிகள் வேறொரு விமானம் மூலம் மும்பையில் இருந்து துபாய்க்கு அனுப்பி வைக்கப்பட்டனர்.

திருச்சியில் சுற்றுசுவர், ஆண்டனா மீது மோதியதில் விமானத்தின் அடிபாகம் உடைந்து சேதம் அடைந்து இருந்தது. சுற்றுசுவரில் இருந்த கம்பி வலை விமானத்தின் சக்கரத்தில் சிக்கி இருந்தது. விமானம் மும்பையில் தரை இறங்கி பிறகு அதிகாரிகள் விமானத்தில் சோதனை நடத்திய பிறகு தான் இந்த சேத விவரம் தெரியவந்தது.

இந்த சேதங்களை ஆய்வு செய்த மும்பை அதிகாரிகள் விமானம் பெரிய விபத்தில் இருந்து தப்பி உள்ளது என்று திருச்சி அதிகாரிகளுக்கு தெரிவித்தனர்.

ஓடுபாதையில் இருந்து மேலே எழும்பி உயர பறக்கும் நேரத்தில் விமானம் சுற்றுச்சுவரை சேதப்படுத்தி விபத்து ஏற்படுத்தியதற்கு விமானத்தில் ஏற்பட்ட தொழில் நுட்ப கோளாறு காரணமா? அல்லது விமானியின் கவனக்குறைவினால் இந்த விபத்து நடந்ததா? என தெரியவில்லை.

இந்த விபத்து பற்றிய தகவல் விமான நிலையம் மற்றும் அதன் சுற்று வட்டார பகுதியில் பெரும் பரபரப்பை ஏற்படுத்தியது. இடிந்த சுற்றுச்சுவர் பகுதியை சுற்று வட்டார பகுதி மக்கள் மற்றும் திருச்சி-புதுக்கோட்டை தேசிய நெடுஞ்சாலையில் வாகனங்களில் சென்றவர்கள் தங்களது வாகனங்களை நிறுத்தி விட்டு வேடிக்கை பார்த்தனர்.

விமான நிலையத்தின் சுற்றுச்சுவரில் விமானத்தின் சக்கரங்கள் மட்டுமே மோதியதால் விமானத்திற்கு பெரிய அளவில் சேதம் ஏற்படவில்லை. விமானத்தின் உடல் பகுதி மோதி இருந்தால் விமானம் மேற்கொண்டு பறக்க முடியாமல் கீழே விழுந்து பெரிய விபத்து ஏற்பட்டு இருக்கும். அத்துடன் தேசிய நெடுஞ்சாலை மற்றும் குடியிருப்பு பகுதியிலும் பெரிய அளவில் பாதிப்பு ஏற்பட்டு இருக்கும். ஆனால் அதிர்ஷ்டவசமாக பெரும் விபத்து தவிர்க்கப்பட்டு உள்ளது.

விபத்து நடந்த பகுதியை நேற்று காலை திருச்சி விமான நிலைய ஆலோசனை குழு தலைவர் ப.குமார் எம்.பி, திருச்சி விமான நிலைய இயக்குனர் குணசேகரன் ஆகியோர் பார்வையிட்டனர்.

பின்னர் குணசேகரன் நிருபர்களுக்கு அளித்த பேட்டியில் கூறியதாவது:-

விபத்துக்குள்ளான விமானம் போயிங்-737 ரகத்தை சேர்ந்தது ஆகும். அந்த விமானத்தில் 130 பயணிகள், 6 ஊழியர்கள் என மொத்தம் 136 பேர் இருந்தனர். இந்த விமானம் ஓடு பாதையில் இருந்து எழும்பி வானில் பறந்து செல்ல முயன்றபோது தான் விபத்தில் சிக்கி இருக்கிறது. ஓடுபாதையில் குறிப்பிட்ட தூரம் வந்ததும் விமானம் மேலே பறக்க தயாராகி விடும். இந்த குறிப்பிட்ட தூரத்தையும் தாண்டி விமானம் பறக்க முயன்றதால் தான் சுற்றுச்சுவரில் சக்கரங்கள் மோதி விபத்து ஏற்பட்டு உள்ளது.

அதிகாரிகள் குழு விசாரணை

விபத்துக்கான உண்மையான காரணம் என்ன? என்பது பற்றி டெல்லி மற்றும் சென்னையில் இருந்து இந்திய விமான நிலைய ஆணைய குழுமத்தின் அதிகாரிகள் குழு விசாரணை நடத்தும். அந்த குழுவின் முழு விசாரணைக்கு பின்னரே உண்மையான காரணம் தெரியவரும். இந்த விபத்தினால் விமான நிலையத்தில் மற்ற விமானங்களின் இயக்கத்தில் எந்த வித பாதிப்பும் ஏற்படவில்லை.

சேதம் அடைந்த ஐ.எல்.எஸ். கருவிகளை சீரமைக்கும் பணி முடிவடைய 20 நாட்கள் ஆகும். இதற்கான தொழில் நுட்ப வல்லுனர் குழுவினர் சென்னையில் இருந்து வருகிறார்கள். விபத்தை ஏற்படுத்தி விட்டு சென்ற விமானத்தை மஸ்கட்டில் தரை இறங்க அனுமதிக்கவில்லை என்பது தவறான தகவல் ஆகும்.

விமானத்தின் சக்கரம் மற்றும் டயர்கள் சேதம் அடைந்து இருந்ததால் வெளிநாட்டில் அதனை தரை இறக்கும்போது பல சட்ட சிக்கல்கள் ஏற்படலாம் என்பதால் தான் துபாயில் தரை இறங்குவதற்கு சுமார் 30 நிமிட நேரத்திற்கு முன்பாக மும்பையில் தரை இறங்குவதற்கு ஏற்பாடு செய்யப்பட்டது.

இவ்வாறு அவர் கூறினார்.



மத்திய மந்திரி சுரேஷ் பிரபு

விமான போக்குவரத்து துறை மந்திரி சுரேஷ் பிரபு தனது டுவிட்டர் பதிவில், திருச்சி விமான நிலையத்தில் விபத்து நடந்த இடத்துக்கு விமான போக்குவரத்து இயக்குனரக அதிகாரிகள் நேரில் சென்று விசாரணை நடத்தியதாகவும், விமான பாதுகாப்பு குறித்து ஆய்வு செய்ய துணைக்குழு ஒன்றை ஏர் இந்தியா அமைத்து இருப்பதாகவும் தெரிவித்து உள்ளார்.

இந்த விபத்து பற்றி விசாரணை நடந்து வருவதால் விமானிகள் கணேஷ் பாபு, அனுராக் ஆகிய இருவரும் பணி ஒதுக்கீடு பட்டியலில் இருந்து நீக்கக்கப்பட்டு இருப்பதாக ஏர் இந்தியா எக்ஸ்பிரஸ் நிறுவனம் அறிக்கை ஒன்றில் தெரிவித்து இருக்கிறது. அதாவது அவர்களுக்கு பணி ஒதுக்குவது நிறுத்தி வைக்கப்பட்டு உள்ளது.

என்ன நடந்தது என தெரியாமல் 4 மணி நேரம் தவித்த பயணிகள்

விமான நிலையத்தின் சுற்றுச்சுவர் மீது மோதி விமானம் எந்தவித பிரச்சினையும் இன்றி தொடர்ந்து வானில் பறந்தது. விமானம் ஏற்படுத்திய விபத்து, ஐ.எல்.எஸ். ஆண்டனா கருவிகள் மற்றும் சுற்றுச்சுவர் சேதம் அடைந்தது பற்றி விமானிக்கு கட்டுப்பாட்டு அறையில் இருந்து விமானிக்கு தகவல் தெரிவிக்கப்பட்டது போதிலும் அவர் விமானத்தை துபாயில் தரை இறக்குவதிலேயே குறியாக இருந்து உள்ளார்.

விபத்து பற்றி விமானத்தில் பயணித்த 130 பயணிகளுக்கும் தெரிய வாய்ப்பு இல்லை என அதிகாரிகள் தரப்பில் தெரிவிக்கப்பட்டாலும் பயணிகள் விமானம் புறப்பட்ட நேரமான அதிகாலை 1.15 மணியில் இருந்து விமானம் மும்பையில் தரை இறங்கிய நேரமான அதிகாலை 5.30 மணி வரை அதாவது 4¼ மணி நேரம் என்ன நடக்கிறது என தெரியாமல் ஒரு தவிப்புடனே இருந்து உள்ளனர்.

விமானம் தாழ்வாக பறந்தது ஏன்? விமானியிடம் விசாரணை

திருச்சியில் விபத்தை ஏற்படுத்திய விமானத்தை ஓட்டியவர் கணேஷ் பாபு என்ற விமானி ஆவார். மும்பையில் இவர் விமானத்தை தரை இறக்கியதும் விமான நிலையங்களின் ஆணைய குழு அதிகாரிகள் அவரை தனியாக அழைத்துச்சென்றனர். ஓடு பாதையில் நிர்ணயிக்கப்பட்ட இடத்தை தாண்டியும் விமானத்தை தாழ்வாக பறக்கும்படி இயக்கியது ஏன்? என்று கேள்வி கேட்டு விசாரணை நடத்தினர். தொடர்ந்து அவரிடம் விசாரணை நடந்து வருகிறது. திருச்சிக்கு அழைத்து வந்ததும் அவரிடம் விசாரணை நடத்தப்படும் என தெரிகிறது.

விமானத்தின் சக்கரத்தில் சிக்கிய கம்பி வலை

திருச்சி விமான நிலையத்தின் சுற்றுச்சுவரில் மோதி விபத்து ஏற்படுத்திய விமானம் மும்பையில் தரை இறக்கப்பட்ட பின்னர் தான் அதன் அடிப்பகுதியிலும் பலத்த சேதம் அடைந்து இருப்பது தெரிய வந்து உள்ளது. மேலும் விமானத்தின் சக்கரங்கள் சுற்றுச்சுவரில் மோதிய போது அதன் மேல் பகுதியில் இருந்து கம்பி வலையின் ஒரு பகுதி தேசிய நெடுஞ்சாலையில் விழுந்து உள்ளது. இன்னொரு பகுதி சக்கரத்தில் சிக்கி இருந்ததும் கண்டுபிடிக்கப்பட்டது.

  முன்அடுத்த   
பொதறிவுத் துணுக்கு :

* திரவத்தங்கம் என்றழைக்கப்படுவது,

  பெட்ரோலியம்

•  உங்கள் கருத்துப் பகுதி
முன்னைய செய்திகள்
srilanka Tamilnews
தேவஸ்தான போர்டுடன் நடந்த சமரச பேச்சுவார்த்தை தோல்வி : சபரிமலைக்கு செல்லவிடாமல் இளம் பெண்கள் தடுத்து நிறுத்தம்
சபரிமலை அய்யப்பன் கோவிலில் அனைத்து வயது பெண்களையும் அனுமதிப்பது தொடர்பாக திருவிதாங்கூர் தேவஸ்தான போர்டுடன் கோவில் தலைமை
17 October, 2018, Wed 4:01 | views: 463 |  செய்தியை வாசிக்க
srilanka Tamilnews
நாடாளுமன்ற தேர்தலில் மகத்தான வெற்றி பெற உழைப்போம்’ தொண்டர்களுக்கு ops,eps வேண்டுகோள்
அ.தி.மு.க.வின் 47-வது ஆண்டு தொடக்க விழாவையொட்டி, நாடாளுமன்ற தேர்தலில் மகத்தான வெற்றி பெற உழைப்போம் என்று தொண்டர்களுக்கு
17 October, 2018, Wed 3:59 | views: 267 |  செய்தியை வாசிக்க
srilanka Tamilnews
சபரிமலை கோயில் நடை இன்று திறப்பு: போராட்ட அறிவிப்பு காரணமாக பாதுகாப்பு அதிகரிப்பு
சபரிமலை கோயில் நடை இன்று திறக்கப்படுகிறது. போராட்ட அறிவிப்பு காரணமாக பாதுகாப்பு அதிகரிக்கப்பட்டுள்ளது.
17 October, 2018, Wed 3:57 | views: 194 |  செய்தியை வாசிக்க
srilanka Tamilnews
தமிழகத்தில் அரசு, அரசு உதவிபெறும் பள்ளிகளில் படிக்கும் 70 லட்சம் மாணவர்களுக்கு ஸ்மார்ட் கார்டு
மாநிலம் முழுவதும் உள்ள அரசு மற்றும் அரசு உதவிபெறும் பள்ளிக்கூடங்களில் பயிலும் 70½ லட்சம் மாணவர்களுக்கு ‘ஸ்மார்ட் கார்டு’ வழங்க
16 October, 2018, Tue 3:47 | views: 288 |  செய்தியை வாசிக்க
srilanka Tamilnews
பெண்களை அனுமதிப்பதற்கு எதிர்ப்பு வலுக்கிறது சபரிமலை விவகாரத்தில் சமரச தீர்வு ஏற்படுமா?
சபரிமலை அய்யப்பன் கோவிலில் அனைத்து வயது பெண்களையும் அனுமதிப்பதற்கு எதிர்ப்பு வலுத்து வரும் நிலையில், தேவஸ்தான போர்டு
16 October, 2018, Tue 3:46 | views: 228 |  செய்தியை வாசிக்க
trico-transport-international

Amthyste International
  Annonce
வீடு வாடகைக்கு
1250 €
Paristamil Annonce
Actif assurance
Advertisements  |  RSS