நீங்கள் எதைப்பற்றியாவது பேசிஇருப்பீர்கள், ஆனால் அதுதொடர்பான ஏதாவது விளம்பரங்கள் உங்கள் மொபைலில் பாப்-அப் செய்வதை நீங்கள் எப்போதாவது பார்த்திருகிறீர்களா?
நீங்கள் தனியாக இல்லை, உங்கள் ஸ்மார்ட்போன் அப்ளிகேஷன்கள் உங்கள் உரையாடல்களைக் கேட்கின்றன என்பதை தெரிந்துகொள்ளுங்கள்.
இது நம்மில் பலருக்கு நடந்திருக்கும். நீங்கள் எதோ ஒரு பொருளைப் பற்றி உங்கள் நண்பர்களுடன் பேசியிருப்பீர்கள், அன்றைய தினம் அதே பொருட்களுக்கான விளம்பரம் உங்கள் ஸ்மார்ட்போனில் தோன்றும்.பல ஆண்டுகளாக, ஐபோன் மற்றும் ஆண்ட்ராய்டு பயனர்கள் தங்கள் சமூக ஊடக கணக்குகள் தங்களின் உரையாடல்களை ஒட்டுக்கேட்கிறார்கள் என்று நம்புகிறார்கள். ஆனால், பேஸ்புக் போன்ற தளங்கள் நீண்ட காலமாக இந்த குற்றச்சாட்டை மறுத்து வருகின்றன.
ஆனால் NordVPN-ன் நடத்திய புதிய ஆராய்ச்சியின்படி, உங்கள் சமூக ஊடக ஆப்கள் (Social Media Applications) உங்கள் பேச்சைக் கேட்கவில்லை என்றாலும், விளம்பரதாரர்கள் கேட்கிறார்கள். வெளிப்படையாக, விளம்பர நிறுவனங்கள் பின்னணி இரைச்சலைக் கேட்கவும் பயனர்களுக்குத் தனிப்பயனாக்கப்பட்ட விளம்பரங்களை வழங்கவும் அல்ட்ராசோனிக் கிராஸ்-டிவைஸ் டிராக்கிங் எனப்படும் ஸ்னீக்கி வகை தரவு கண்காணிப்பைப் பயன்படுத்துகின்றன.
NordVPN-ன் படி, இந்த குறுக்கு சாதன கண்காணிப்பு முறையானது, 'உங்கள் நடத்தை மற்றும் இருப்பிடத்தைக் கண்காணிக்க உங்களுக்குச் சொந்தமான அனைத்து சாதனங்களையும் இணைக்க' மனித காதுகளால் கேட்க முடியாத மீயொலி 'ஆடியோ பீக்கான்களை' ஆப்ஸ் பயன்படுத்துவதைக் கண்டுபிடித்துள்ளது.
இந்த உயர் பிட்ச் சிக்னல்கள் டிவி விளம்பரங்கள் அல்லது ஆன்லைன் வீடியோக்களில் மறைக்கப்படலாம். உங்கள் சாதன மைக்ரோஃபோன் அவற்றை எடுத்தவுடன், விளம்பரதாரர்களுக்கு நீங்கள் எதைப் பார்த்துக் கொண்டிருந்தீர்கள் அல்லது பேசுகிறீர்கள் என்பதைக் கண்டறியும் திறனை வழங்குகிறது.
நீங்கள் என்ன செய்கிறீர்கள் என்பதைக் கண்காணிக்க, உங்கள் மொபைலில் உள்ள பல்வேறு ஆப்ஸ் இந்த பீக்கான்களைக் கேட்க முடியும். அதனால்தான் சில ஆப்ஸ் உங்கள் மைக்ரோஃபோனை அணுக அனுமதி கேட்கிறது.இந்த கண்காணிப்பு முறையின் தாக்கம் வெளித்தோற்றத்தில் பரவலாக உள்ளது.
NordVPN-ன் ஆய்வில், கிட்டத்தட்ட பாதி பிரித்தானியர்கள் (45%) தங்கள் தொலைபேசிகளில் ஏதாவது விளம்பரம் தோன்றியதைப் பற்றிப் பேசினாலோ அல்லது டிவியில் பார்த்தாலோ, அதை ஆன்லைனில் தேடாமலே பார்த்ததாகக் கூறுகின்றனர்.
மேலும், 62% நுகர்வோர் இதைத் தடுப்பது எப்படி என்று தங்களுக்குத் தெரியவில்லை என்றும் மேலும் எட்டு பேரில் ஒருவர், இந்த விளம்பரங்கள் தங்களைப் பயமுறுத்துவதாகவும் கூறியுள்ளனர்.அல்ட்ராசோனிக் பீக்கான்கள் வேலை செய்வதை நிறுத்துவது சாத்தியமில்லை என்றாலும், உங்கள் சாதனத்தில் உள்ள ஆப்களுக்கு நீங்கள் வழங்கிய தேவையற்ற அனுமதிகளை கட்டுப்படுத்துவதன் மூலம் உங்கள் ஸ்மார்ட்போன் அவற்றைக் கேட்கும் வாய்ப்பைக் குறைக்கலாம் என்று NordVPN கூறுகிறது.
ஆப்களில் உள்ள அனுமதிகளை மாற்ற, உங்கள் மொபைலின் அமைப்புகள் மெனுவிற்குச் சென்று 'தனியுரிமை' (Privacy) விருப்பத்தைத் தேடலாம். உங்கள் மைக்ரோஃபோனுக்கான அணுகல் எந்த ஆப்ஸுக்கு உள்ளது என்பதை இங்கே நீங்கள் பார்க்க முடியும் மற்றும் தேவையான இடங்களில் அதைக் கட்டுப்படுத்தவும் முடியும்.
மாற்றாக, நீங்கள் Brave, Tor அல்லது DuckDuckGo போன்ற பாதுகாப்பான உலாவியைப் பயன்படுத்தலாம் அல்லது VPN-ப் பெறலாம், இது உங்கள் ஆன்லைன் செயல்பாடு அனைத்தையும் encrypt செய்யும்.
முன்
