பரிசில் உள்ள Vélib' வாடகை மிதி வண்டிகளில் கருக்கலைப்புக்கு எதிராக வாசகங்கள் ஒட்டப்பட்டுள்ளன. ஆனால் அப்பிரச்சாரத்தை குறித்த Vélib' நிறுவனம் மேற்கொள்ளவில்லை.

இன்று வியாழக்கிழமை காலை பரிசில் உள்ள ஒருசில Vélib' தரிப்பிடங்களில் நிறுத்திவைக்கப்பட்டிருந்த வாடகை மிதிவண்டிகளில் புதிய 'ஒட்டிகள்' (Stickers) ஒட்டப்பட்டிருந்ததை காணக்கூடியதாக இருந்தது. மிதிவண்டிகளின் இருக்கைகளுக்கு கீழுள்ள இடத்தில் "Et si vous l'aviez laissé vivre?" என வாசகங்கள் கொண்ட ஒட்டிகள் ஒட்டப்பட்டுள்ளன.

'நீங்கள் அவர்களை வாழ விட்டால் என்ன?' என அர்தமளிக்கும் கருக்கலைப்புக்கு எதிரான இந்த வாசகங்களை, பரிசைச் சேர்ந்த பெயர் குறிப்பிடப்படாத அமைப்பு ஒன்று ஒட்டியுள்ளது.

இது தொடர்பாக Vélib' நிறுவனம் கருத்து வெளியிடுகையில், 'இது ஒன்றும் பாரதூரமான குற்றச்செயல் இல்லை. ஆனால் அனுமதி பெறாத செயலில் ஈடுபடுவது குற்றமாகும். இந்தற்கு எதிராக நாம் வழக்கு தொடர உள்ளோம்!' என தெரிவிக்கப்பட்டுள்ளது.