இன்று செவ்வாய்க்கிழமை காலை Gare de l'Est தொடருந்து நிலையத்தில் போக்குவரத்து தடை ஏற்பட்டது. TER, TGV மற்றும் Transilien P ஆகிய சேவைகள் முற்றாக தடைப்பட்டன.

இணைப்புக் கம்பிகள் தீவைத்து எரிக்கப்பட்டுள்ளதால் இந்த தடை ஏற்பட்டுள்ளதாக தொடருந்து நிறுவனமான SNCF அறிவித்துள்ளது. இந்த நாசவேலையை செய்தவர்கள் மீது SNCF வழக்கு தொடுத்துள்ளது.

Seine-et-Marne மாவட்டத்தில் உள்ள Vaires sector பகுதியில் உள்ள இணைப்பு கம்பிகள் தீ வைத்து எரிக்கப்பட்டுள்ளதை தொடருந்து நிறுவன ஊழியர்கள் இன்று அதிகாலை கண்டறிந்தனர். மர்ம நபர்கள் குறித்த கம்பிகளுக்கு தீ வைத்ததாகவும், அவர்கள் மீது நடவடிக்கை எடுக்கும்படியும் வழக்கு பதிவு செய்யப்பட்டுள்ளது.