சற்று முன்னர் இடம்பெற்ற விமான விபத்து ஒன்றில் ஐவர் கொல்லப்பட்டுள்ளதாக செய்திகள் வெளியாகியுள்ளன.

இந்த விபத்து Isère மாவட்டத்தில் இன்று சனிக்கிழமை மாலை இடம்பெற்றுள்ளது. இங்குள்ள சுற்றுல்லாத்துறை அமைப்பு ஒன்றுக்குச் சொந்தமான Jodel D140 எனும் சிறியரக விமானம் ஒன்று நான்கு பயணிகளை ஏற்றிக்கொண்டு பறந்துள்ளது. இந்நிலையில் விமானம் Les Adrets,(Isère) நகருக்கு மேலே பயணித்த போது விபத்துக்குள்ளாது.

இவ்விபத்தில் விமானத்தில் பயணித்த நான்கு பயணிகள் மற்றும் விமானி என மொத்தம் ஐவர் கொல்லப்பட்டுள்ளனர்.

4.39 மணி அளவில் இவ்விபத்து தொடர்பாக காவல்துறையினருக்கு தகவல் தெரிவிக்கப்பட்டுள்ளது. விபத்தில் கொல்லப்பட்ட ஐவரது சடலங்களும் மீட்கப்பட்டதாக அறிய முடிகிறது