ஜனாதிபதி வேட்பாளர் Eric Zemmour இற்கு 10,000 யூரோக்கள் குற்றப்பணம் அறவிடப்பட்டுள்ளது.

மாற்றுத்திறனாளிகள் குறித்து அவர் வெளியிட்ட கருத்து ஒன்றுக்கே இந்த குற்றப்பணம் செலுத்த நேர்ந்துள்ளது. இரு நாட்கள் முன்பாக Eric Zemmour மேற்கொண்ட தேர்தல் பரப்புரையின் போது, மாற்றுத்திறனாளிகள் குறித்து மிக மலிந்த கருத்தொன்றை வெளியிட்டார். “சாதாரண பாடசாலைகளில் மாற்றுத்திறனாளிகளை கல்விகற்க அனுமதிக்காமல், அவர்களை தனிப்பாடசாலையில் சேர்க்கவேண்டும்” என Eric Zemmour கருத்து வெளியிட்டார். உடனடியாகவே இந்த கருத்து விவாதப்பொருளாக மாறியது. இதற்கு ஜனாதிபதி இம்மானுவல் மக்ரோன் மற்றும் ஜனாதிபதி வேட்பாளர் மரீன் லூ பென் ஆகியோர் கண்டனம் தெரிவித்துள்ளனர்.

இந்நிலையில், இன்று திங்கட்கிழமை ஜனவரி 17 ஆம் திகதி, பரிஸ் குற்றவியல் நீதிமன்றம் அவருக்கு €10,000 யூரோக்கள் குற்றப்பணம் அறவிட்டுள்ளது.

முன்னதாக, 2011 ஆம் ஆண்டில், பத்திரிகை ஒன்றை அவதூறாக பேசிய வழக்கில் குற்றப்பணம் செலுத்தியிருந்தமையும் குறிப்பிடத்தக்கது.