இவ்வருடத்தில் Ile-de-France மக்கள் மிக நீண்ட வெயில் காலத்தை சந்தித்துள்ளனர். அதேபோல் கோடைகால வெப்பத்தையும் சில நாட்கள் முன்னதாகவே உணர்ந்துள்ளனர்.

இவ்வருட ஆரம்பம் முதல் இதுவரை Ile-de-France இற்குள் இதுவரையில் 750 மணிநேரங்களும் 48 நிமிடங்களும் வெயில் பதிவாகியுள்ளது. ஜனவரி 1 ஆம் திகதி முதல் - மே 16 (2022) ஆம் திகதி வரையான காலப்பகுதியிலேயே இந்த வெப்பம் பதிவாகியுள்ளது. Ile-de-France இற்கு சராசரியாக வருடம் ஒன்றுக்கு 1700 மணிநேரங்கள் வெப்பம் பதிவாகிறது. இந்த 750 மணிநேரங்களும் 48 நிமிடங்களும் ஒரு புதிய அதிகபட்ச பதிவாக அறிவிக்கப்பட்டுள்ளது.

முன்னதாக 2020 ஆம் ஆண்டில் இதே காலப்பகுதியில் 725 மணிநேரங்களும் 34 நிமிடங்களும் நிலவிய வெயிலே அதிகபட்ச பதிவாக இருந்தது. அந்த பதிவை இவ்வருட வெயில் முறியடித்துள்ளது.

அதேவேளை, Ile-de-France இற்குள் ஜூன் மாத நடுப்பகுதியிலேயே 30°C வெப்பம் பதிவான நிலையில், இவ்வருடம் அந்த பதிவும் முறியடிக்கப்பட்டது. சென்ற வாரத்தில் பரிசில் அதிகபட்சமாக 31°C வெப்பம் பதிவானமை குறிப்பிடத்தக்கது.