நேற்று முன் தினம் வெள்ளிக்கிழமை இரவு, நபர் ஒருவர் ரைஃபிள் வகை துப்பாக்கி ஒன்றுடன் வீட்டுக்குள் நுழைந்துள்ளார். அதைத் தொடர்ந்து GIGN படையினர் களத்தில் இறங்கினர் 

 

இந்த பரபரப்புச் சம்பவம் துலு  (Toulouse) நகரில் இடம்பெற்றுள்ளது. வெள்ளிக்கிழமை 19.00 மணி அளவில் Orthez நகரில் வசிக்கும் நபர் ஒருவர் தனது வீட்டுக்குள் ரைஃபிள் துப்பாக்கியுடன் நுழைந்துள்ளார். இதனால் அக்கம் பக்கத்தினர் அவசர இலக்கத்துக்கு தொடர்பு கொண்டனர். அதைத் தொடந்து ஆயுதங்களுடன் GIGN அதிரடிப்படையினர் அக்கட்டிடத்தை சுற்றி வளைத்தனர். இதுவரை ஆயுததாரியின் நோக்கம் குறித்த தகவல்கள் எதுவும் வெளியாகவில்லை. துப்பாக்கி முழக்கமும் கேட்கவில்லை எனவும் அறிய முடிகிறது. 

 

ஆயுததாரி 62 வயதுடையவர் எனவும், மனநலம் பாதிக்கப்பட்டவர் எனவும் தற்போது கிடைத்துள்ள செய்திகள் தெரிவிக்கின்றன. நேற்று சனிக்கிழமை காலை 11 மணி வரை GIGN படையினரில் ஒரு சிலர் அப்பகுதியில் கடமையில் ஈடுபட்டதாகவும், அதன் பின்னரே அவர்கள் அங்கிருந்து புறப்பட்டதாகவும் தெரிவிக்கப்பட்டுள்ளது. 18 மணிநேரங்களுக்கு மேலாக GIGN படையினர் அப்பகுதியில் நின்றிருந்தனர் எனவும், தேடுதல் நடத்தியிருந்தனர் எனவும் தெரிவிக்கப்பட்டுள்ளது.