அமெரிக்க பாஸ்போர்ட்டை Samsung Wallet-ல் சேர்க்கலாம்

Samsung நிறுவனம் அட்டகாசமான புதிய வசதியை அறிமுகப்படுத்தியுள்ளது.

இனி அமெரிக்க பாஸ்போர்ட் வைத்திருப்பவர்கள் தங்கள் Galaxy ஸ்மார்ட்போனில் உள்ள Samsung Wallet ஆப்பில் பாஸ்போர்ட்டை டிஜிட்டல் வடிவில் சேர்க்க முடியும்.

இந்த வசதி CLEAR என்ற அமெரிக்க பயோமெட்ரிக் அடையாளச் சரிபார்ப்பு நிறுவனத்துடன் இணைந்து வழங்கப்படுகிறது.

CLEAR மூலம் பாஸ்போர்ட் தகவல்கள் சரிபார்க்கப்பட்டு, Samsung Wallet-ல் பாதுகாப்பாக சேமிக்கப்படும். இதன் மூலம் பயணிகள் TSA (Transportation Security Administration)-வின் 250-க்கும் மேற்பட்ட சோதனை மையங்களில் கடவுசீட்டை காட்டாமல், டிஜிட்டல் அடையாளத்தை பயன்படுத்தி பயணம் செய்யலாம்.

மேலும், இந்த டிஜிட்டல் அடையாளம் அமெரிக்காவின் சில ஸ்டேடியங்களிலும், குறிப்பாக BMO Stadium-ல், அடையாளச் சரிபார்ப்புக்கு பயன்படும்.

Samsung MX Digital Wallet குழுத் தலைவர் Woncheol Chai, “CLEAR உடன் இணைந்து Samsung Wallet-ல் இந்த வசதியை வழங்குவதில் மகிழ்ச்சி அடைகிறோம். இது பயண அனுபவத்தை எளிதாக்கும்” என்று தெரிவித்துள்ளார்.