வாகன சாரதிகளுக்கு மகிழ்ச்சியான செய்தி!!

வாகன சாரதிகளுக்கு மகிழ்ச்சியான செய்தியாக zones à faibles émissions திட்டம் கைவிடப்பட உள்ளதாக தெரிவிக்கப்படுகிறது.

குறைந்த உமிழ்வு மண்டலம் என தெரிவிக்கப்படும் "zones à faibles émissions" பகுதிகளின் எதிர்காலம் தொடர்பில் நேற்று ஜனவரி 20, செவ்வாய்க்கிழமை செனட் சபையினருக்கும் பாராளுமன்ற சபாநாயகருக்கும் இடையில் சந்திப்பு ஒன்று இடம்பெற்றது. அதில் zones à faibles émissions பகுதிகள் அனைத்தையும் நீக்க செனட் மேற்சபையினர் சம்மதித்துள்ளனர்.

எவ்வாறாயினும், இது முதலில் பாராளுமன்றத்திலும் பின்னர் செனட் சபையிலும், மீண்டும் பாராளுமன்றத்திலும் வாக்கெடுப்புக்கு விடப்பட்டதன் முன்னரே தீர்மானமாக நிறைவேற்றப்படும்.

தொழிற்துறையினரின் நன்மைகள் கருதி இந்த zones à faibles émissions மீளாய்வுக்கு கொண்டுவரப்படுவதாக தெரிவிக்கப்படுகிறது.

முடிவுகள் குறித்து தீர்க்கமாக கணிக்க முடியாத நிலை உள்ள நிலையில், "பிரான்ஸ் மெல்ல மெல்ல அமெரிக்கா போன்று வர்த்தகர்களின் கைகளுக்கு தாரை வார்க்கப்படுகிறது" எனும் விமர்சனங்களும் எழுந்துள்ளன.