Paristamil France administration Paristamil France administration
விளம்பரம் செய்ய வர்த்தகர் பதிவு வழிகாட்டி பிரிவு  
paristamil
 எழுத்துரு விளம்பரம் - Text Pub
வீடு வாடகைக்கு / விற்பனைக்கு
05122018
வேலையாள்த் தேவை
05122018
இடம் வாடகைக்கு
02122018
ஐந்து ஊழியர்கள் தேவை
01122018
வேலைக்கு ஆள் தேவை
28112018
வேலையாள்த் தேவை
24112018
ஸ்ரீ அம்மன் ஜோதிடம்
28112018
ஸ்ரீ பாலாஜி ஜோதிடம்
28112018
வேலைக்கு ஆள் தேவை!
28112018
கட்டிட வரைப்படம்
28112018
மணமகள் தேவை
24112018
மொழிபெயர்ப்பு
20112018
ஆங்கில பிரஞ்சு வகுப்புக்கள்
17112018
Bail விற்பனைக்கு
02112018
கடை / Bail விற்பனைக்கு
06102018
Abi Auto பயிற்சி நிலையம்
250918
திருமண மண்டப சேவை
250918
நிகழ்வு சேவைகள்
220918
வர்த்தகர்கள் கவனத்திற்கு
150918
ஆங்கில வகுப்புக்கள்
130918
Drancy நகரில் ஆங்கில கல்வி நிலையம்
210818*15
ஜோதிட நிலையம்
170818*15
மூலிகை வைத்தியம்
190718*15
வீடுகள் விற்க
30112017
விளம்பர தொடர்புக்கு
விளம்பர கட்டணம்
விரைவாய் விளம்பரம் செய்ய
Paristamil
மின்னஞ்சலில்
கவனத்திற்குரிய செய்தி
தீர்வுகளிற்காகக் கூடிய மக்ரோனும் அமைச்சர்களும் தொழிற்சங்கங்களும் - எந்தத் தீர்வும் எட்டவில்லை - காணொளி!
France Tamilnews
பரசின் மஞ்சள் ஆடைப் போராட்டத்தில் போராளிகளுடன் ஹொலிவூட் நடிகர்கள்!!
France Tamilnews
காவற்துறையினரின் மோசமான வன்முறை - நாம் எதிர்பார்க்கவில்லை - காயப்பட்டவர்கள் வைத்தியசாலையில் வாக்குமூலம் - காணொளி
France Tamilnews
பிரதமர் - உள்துறைஅமைச்சர் - இணைந்த அறிக்கை - அதிகரித்துச் செல்லும் காயங்களும் கைதுகளும்!!
France Tamilnews
பரிசை உலுக்கிய இன்றைய கலவரம் - இடங்கள் குறிக்கப்பட்ட ஒரு படத்தொகுப்பு!!
France Tamilnews
மேகதாதுவில் புதிய அணை கட்டும் விவகாரம் மத்திய அரசை கண்டித்து தமிழக சட்டசபையில் ஒருமனதாக தீர்மானம்
7 December, 2018, Fri 3:26 GMT+1  |  views: 196
கர்நாடகத்தில் காவிரியின் குறுக்கே மேகதாது என்ற இடத்தில் புதிய அணை கட்ட அந்த மாநில அரசு திட்டமிட்டு உள்ளது.
 
கடும் எதிர்ப்பு
 
இது தொடர்பான விரிவான திட்ட அறிக்கையை தயாரிக்க கர்நாடக அரசுக்கு மத்திய நீர்வள குழுமம் அனுமதி அளித்து உள்ளது.
ஏற்கனவே காவிரியில் தமிழகத்துக்கு உரிய தண்ணீரை கர்நாடகம் முறைப்படி வழங்காததால் டெல்டா பகுதியில் விவசாயம் பாதிக்கப்பட்டு உள்ளது. இதனால் புதிய அணை தொடர்பான விரிவான திட்ட அறிக்கையை தயாரிக்க மத்திய நீர்வள குழுமம் அனுமதி அளித்து இருப்பதற்கு தமிழக அரசும், தமிழக அரசியல் கட்சிகளும் கடும் எதிர்ப்பு தெரிவித்து உள்ளன. இது தொடர்பாக தமிழக அரசு சுப்ரீம் கோர்ட்டில் வழக்கு தொடர்ந்து இருக்கிறது.
 
சட்டசபையில் தீர்மானம்
 
இந்த விவகாரத்தில், மத்திய அரசுக்கு கண்டனத்தை பதிவு செய்வதற்காக தமிழக சட்ட சபையின் சிறப்பு கூட்டம் நேற்று மாலை 4 மணிக்கு நடைபெற்றது.
 
கூட்டம் தொடங்கியதும், அவை முன்னவரும், துணை முதல்-அமைச்சருமான ஓ.பன்னீர்செல்வம் எழுந்து, “சட்டமன்ற பேரவை விதி எண் 33-ஐ தளர்த்தி இப்பேரவையில் இன்று அரசினர் அலுவலை எடுத்துக்கொள்ள வேண்டும்” என்ற தீர்மானத்தை முன்மொழிந்தார். குரல் வாக்கெடுப்பின் மூலம் இந்த தீர்மானம் நிறைவேற்றப்பட்டது.
 
அதைத்தொடர்ந்து, முதல்- அமைச்சர் எடப்பாடி பழனிசாமி, அரசினர் தனித் தீர்மானம் ஒன்றை கொண்டுவந்து முன்மொழிந்து பேசினார். அப்போது அவர் கூறியதாவது:-
 
விரிவான திட்ட அறிக்கைக்கு அனுமதி
 
நீண்ட நெடிய சட்டப் போராட்டத்துக்கு பின்னர் தமிழ்நாட்டுக்கு உரிய காவிரி நீர் கிடைக்கும் என்று நாம் அனைவரும் எதிர்பார்த்திருந்த இந்த நேரத்தில், மத்திய நீர்வளக் குழுமம், கர்நாடகத்தில் உள்ள மேகதாதுவில் அணை கட்டுவதற்கான விரிவான திட்ட அறிக்கை தயாரிக்க, கர்நாடக அரசுக்கு 22-11-2018 அன்று அனுமதி வழங்கிய செயல், நம் அனைவரையும் மிகவும் கொதிப்படைய வைத்திருக்கிறது.
 
இதை தமிழ்நாட்டில் உள்ள அனைவரும் கடுமையாக எதிர்த்து வருகின்றோம். இந்த நிலையில் தமிழ்நாட்டு மக்களின் நலனை முன்னிறுத்தும் வகையில், நாம் அனைவரும் ஒருமித்த கருத்தோடு, நம் உணர்வையும், எதிர்ப்பையும், கண்டனத்தையும், தமிழ்நாட்டின் நிலைப்பாட்டையும், ஒட்டுமொத்த தமிழ்நாட்டு மக்களின் உணர்வுகளை பிரதிபலிக் கும் விதமாகவும் அ.தி.மு.க. அரசு கொண்டு வந்துள்ள இந்த தீர்மானத்தை, அவையில் நான் முன்மொழிய விழைகிறேன். இத்தீர்மானத்தின் மீது உறுப்பினர்கள் தங்கள் கருத்துகளை எடுத்துரைத்து அதனை ஒருமனதாக நிறைவேற்றித்தர வேண்டும் என்று அனைவரையும் கேட்டுக்கொள்கிறேன்.
 
கடும் கண்டனம்
 
இம்மாமன்றத்தில், 5-12-2014, 27-3-2015 ஆகிய நாட்களில், கர்நாடக அரசு மேகதாதுவில் புதிய அணை கட்டக்கூடாது என ஒருமனதாக நிறைவேற்றப்பட்ட தீர்மானங்களை கருத்தில் கொள்ளாமலும், சுப்ரீம் கோர்ட்டு தீர்ப்பில் குறிப்பிட்டுள்ளவாறு கீழ் படுகை மாநிலங்களின் முன் அனுமதி பெறாமல், கர்நாடக அரசு எந்த ஒரு திட்டத்தையும் செயல்படுத்தக்கூடாது என்பதையும் மீறி, தற்பொழுது கர்நாடக அரசு மேகதாது அணை கட்டுவதற்கான ஆரம்ப கட்ட பணிகளை துவங்க உள்ளதற்கும், மேகதாதுவில் புதியதாக அணை கட்ட விரிவான திட்ட அறிக்கை தயாரிப்பதற்கு மத்திய நீர்வள குழுமம் 22-11-2018 அன்று அனுமதி வழங்கியதற்கும் இம்மாமன்றம் கடும் கண்டனத்தையும், எதிர்ப்பையும் தெரிவித்துக்கொள்கிறது.
 
மத்திய நீர்வள குழுமம் வழங்கிய அனுமதியை திரும்பப்பெற அக்குழுமத்துக்கு மத்திய நீர்வள ஆதார அமைச்சகம் உடனடியாக உத்தரவிட வேண்டும் என்றும் இம்மாமன்றம் வலியுறுத்தி கேட்டுக்கொள்கிறது.
 
உத்தரவிடவேண்டும்
 
காவிரி நடுவர் மன்ற இறுதி ஆணை மற்றும் சுப்ரீம் கோர்ட்டு தீர்ப்பு ஆகியவற்றை மீறும் வகையில், கர்நாடக அரசோ அல்லது அதன் கீழ் இயங்கும் நிறுவனங்களோ, கர்நாடகத்தில் உள்ள காவிரி படுகையில், மேகதாது அல்லது வேறு எந்தவொரு இடத்திலும் தமிழ்நாட்டின் இசைவின்றி எவ்வித கட்டுமான பணிகளையும் மேற்கொள்ளக்கூடாது என்று கர்நாடக அரசுக்கு மத்திய அரசு உத்தரவிடவேண்டும் என இம்மாமன்றம் கேட்டுக்கொள்கிறது.
 
இவ்வாறு எடப்பாடி பழனிசாமி கூறினார்.
 
ஒரு அணையா?, 2 அணைகளா?
 
அவர் பேசி முடித்ததும், சட்டசபை எதிர்க்கட்சி துணைத் தலைவர் துரைமுருகன் எழுந்து பேசினார்.
 
அப்போது நடைபெற்ற விவாதம் வருமாறு:-
 
துரைமுருகன்:- முதல்- அமைச்சர் பேசும்போது, ஏற்கனவே 5-12-2014, 27-3-2015 ஆகிய தேதிகளில் மேகதாது அணை கட்டுவது தொடர்பாக சட்டசபையில் தீர்மானம் நிறைவேற்றப்பட்டதாக கூறினார். 5-12-2014 அன்று நிறைவேற்றப்பட்ட தீர்மானத்தில், காவிரியின் குறுக்கே 2 புதிய அணைகளை கட்ட கர்நாடக அரசு முயற்சி செய்வதாக கூறப்பட்டு உள்ளது. சுப்ரீம் கோர்ட்டில் தொடரப்பட்ட வழக்கிலும் 2 அணைகள் என்று தான் தெரிவிக்கப்பட்டு உள்ளது.
 
ஆனால், இன்று புதிய அணை கட்டக்கூடாது என்று தீர்மானம் நிறைவேற்றப்படுகிறது. கர்நாடக அரசு கட்டுவது ஒரு அணையா?, 2 அணைகளா?. ஏனென்றால், அணை கட்டுவதற்காக ரூ.5,600 கோடி ஒதுக்கியிருக்கிறார்கள். 66 டி.எம்.சி. கொள்ளளவு கொண்ட அணை மேகதாதுவில் கட்ட முடியாது. இதைத் தாண்டி வேறு இடத்திலும் அணை கட்ட முடிவு செய்யப்பட்டு உள்ளதா?. கிருஷ்ணராஜசாகர் அணை முதல் மேற்கு தொடர்ச்சி மலை இடையே எந்த அணையும் கட்டக்கூடாது என்று தீர்மானம் போட வேண்டும்.
 
கட்டக்கூடாது
 
துணை முதல்-அமைச்சர் ஓ.பன்னீர்செல்வம்:- அப்போது கர்நாடக அரசு 2 அணைகளை கட்ட மத்திய அரசிடம் அனுமதி கேட்டது. நாம் சுப்ரீம் கோர்ட்டில் வழக்கு தொடர்ந்தோம். அந்த வழக்கு நிலுவையில் இருந்து வருகிறது. நமக்கு இப்போதைய பிரச்சினை மேகதாது தான். நீர்வள சட்டத்திலேயே எந்த அணைகளும் கட்டக் கூடாது என்று விதி உள்ளது. அப்படி இருக்கும்போது, எப்படி சுற்றுச்சூழல் துறையும், நீர்வள குழுமமும் அனுமதி அளிக்க முடியும்? எந்த அணை, எத்தனை அணை கட்டினாலும் அது சட்டத்துக்கு புறம்பானது.
 
துரைமுருகன்:- அணை கட்ட ரூ.5,600 கோடி ஒதுக்கியிருக்கிறார்கள். நம்மை ஏமாற்ற பார்க்கிறார்கள்.
 
ஓ.பன்னீர்செல்வம்:- மேகதாதுவில் மட்டும் தான் ஆய்வு நடத்த அனுமதி அளிக்கப்பட்டு உள்ளது. நமது கொள்கை என்னவென்றால், காவிரியின் குறுக்கே எந்த இடத்திலும் அணை கட்டக்கூடாது என்பதுதான். மேகதாது உள்பட எந்த அணையும் நமது (தமிழகம்) அனுமதி இல்லாமல் கட்டக்கூடாது.
 
மு.க.ஸ்டாலின் வரவேற்பு
 
இவ்வாறு நடந்த விவாதத்தை தொடர்ந்து, தீர்மானத்தை வரவேற்று எதிர்க்கட்சி தலைவர் மு.க.ஸ்டாலின் பேசினார்.
 
அவர் பேசுகையில் கூறியதாவது:-
 
எதிர்க்கட்சியாக தமிழகத்தின் வாழ்வாதார பிரச்சினையான காவிரியில் தி.மு.க. முழு ஒத்துழைப்பு வழங்குகிறது. இந்த ஒத்துழைப்பை ஆளும் கட்சி கூடுதல் பலமாக எடுத்துக் கொண்டு எக்காரணம் கொண்டும் மேகதாது அணை கட்ட மத்திய அரசு அனுமதிக்கக்கூடாது என்று துணிவோடு போராட வேண்டும் என்று எதிர்பார்க்கிறேன். இருமுறை இதே மாமன்றத்தில் மத்திய அரசுக்கு வேண்டுகோள் விடுத்து தீர்மானம் போட்டுவிட்டோம். அதை அவர்கள் மதிக்கவில்லை. தமிழக உரிமைகளை மதிக்க முன்வரவில்லை. இந்த தீர்மானத்தை நிறைவேற்றும் போது பலன் கிடைக்குமா? என்ற சந்தேகம் இருக்கிறது. ஆகவே, இந்த தீர்மானம் மத்திய அரசுக்கு கண்டனத்தை தெரிவிக்கிற தீர்மானமாக இருந்திருந்தால் உயிரோட்டமாக இருந்திருக்கும். இருந்தாலும் தமிழக நலன் கருதி இந்த தீர்மானத்தை தி.மு.க. சார்பில் ஆதரிக்கிறேன்.
 
இவ்வாறு அவர் கூறினார்.
 
முதல்-அமைச்சர் பதில்
 
அவரை தொடர்ந்து, சட்டசபை காங்கிரஸ் தலைவர் கே.ஆர்.ராமசாமி, இந்திய யூனியன் முஸ்லிம் லீக் கட்சி உறுப்பினர் முகமது அபுபக்கர், மனிதநேய ஜனநாயக கட்சி உறுப்பினர் தமிமுன் அன்சாரி, தமிழ்நாடு கொங்கு இளைஞர் பேரவை உறுப்பினர் தனியரசு, அம்மா மக்கள் முன்னேற்ற கழக உறுப்பினர் டி.டி.வி.தினகரன் ஆகியோர் தீர்மானத்தை ஆதரித்து பேசினார்கள்.
 
அவர்களை தொடர்ந்து, முதல்-அமைச்சர் எடப்பாடி பழனிசாமி பதில் அளித்து பேசினார்.
 
இந்த விவாதம் மாலை 5.35 மணி வரை நீடித்தது.
 
ஒருமனதாக நிறைவேறியது
 
அதைத்தொடர்ந்து, சபாநாயகர் ப.தனபால், “முதல்- அமைச்சரின் தனித் தீர்மானம் பேரவையின் முடிவுக்கு விடப்படுகிறது” என்று கூறி குரல் வாக்கெடுப்பு நடத்தினார். அனைத்து உறுப்பினர்களின் ஆதரவுடன் தீர்மானம் ஒருமனதாக நிறைவேறியது.
 
அதன்பிறகு, தேதி குறிப்பிடாமல் சட்டசபையை ஒத்திவைப்பதாக சபாநாயகர் ப.தனபால் அறிவிப்பு ஒன்றை வெளியிட்டார். அதற்கான தீர்மானத்தை அவை முன்னவரும், துணை முதல்-அமைச்சருமான ஓ.பன்னீர்செல்வம் முன்மொழிந்தார். அந்த நிகழ்வோடு சட்டசபை கூட்டம் நிறைவடைந்தது.
  முன்அடுத்த   
பொதறிவுத் துணுக்கு :

* 1972-ம் ஆண்டு வங்காள தேசத்தின் தேசிய விளையாட்டாக கபடி அறிவிக்கப்பட்டது.
சஞ்சீவனி, காமினி மற்றும் அமர் ஆகிய பெயர்களில் 3 விதங்களில் கபடி ஆட்டம் நடைபெறுகிறது.

•  உங்கள் கருத்துப் பகுதி
முன்னைய செய்திகள்
srilanka Tamilnews
ரிசர்வ் வங்கி கவர்னர் உர்ஜித் படேல் ராஜினாமா என செய்தி நிறுவனம் தகவல்
ரிசர்வ் வங்கி கவர்னர் உர்ஜித் படேல் ராஜினாமா செய்துள்ளதாக ராய்ட்டர்ஸ் செய்தி நிறுவனம் தகவல் வெளியிட்டு உள்ளது.
10 December, 2018, Mon 14:03 | views: 193 |  செய்தியை வாசிக்க
srilanka Tamilnews
ராமர் கோவில் கட்டும் விவகாரத்தில் மத்திய அரசு அளித்த வாக்குறுதியை நிறைவேற்ற வேண்டும் - ஆர்.எஸ்.எஸ்
03அயோத்தியில் ராமர் கோவில் கட்டும் விவகாரத்தில் மத்திய அரசு அளித்த வாக்குறுதியை நிறைவேற்ற வேண்டும் என ஆர்.எஸ்.எஸ். தலைவர் சுரேஷ்
10 December, 2018, Mon 3:18 | views: 220 |  செய்தியை வாசிக்க
srilanka Tamilnews
குளிர்கால கூட்டத்தொடர்: நாடாளுமன்றம் நாளை கூடுகிறது - அயோத்தி பிரச்சினை புயலைக் கிளப்பும்
குளிர்கால கூட்டத்தொடருக்காக, நாடாளுமன்றம் நாளை கூடுகிறது. இதில் அயோத்தி பிரச்சினை புயலைக் கிளப்பும் என எதிர்பார்க்கப்படுகிறது.
10 December, 2018, Mon 3:15 | views: 151 |  செய்தியை வாசிக்க
srilanka Tamilnews
சோனியாவுடன் மு.க.ஸ்டாலின் சந்திப்பு - எதிர்க்கட்சி தலைவர்கள் கூட்டத்தில் இன்று பங்கேற்கிறார்
டெல்லி சென்றுள்ள தி.மு.க. தலைவர் மு.க.ஸ்டாலின் நேற்று சோனியா காந்தியை சந்தித்து பேசினார். பா.ஜனதா வுக்கு எதிராக பிரமாண்ட கூட்டணி
10 December, 2018, Mon 3:13 | views: 154 |  செய்தியை வாசிக்க
srilanka Tamilnews
திருவண்ணாமலையில் வயது முதிர்வால் மூக்கு பொடி சித்தர் காலமானார்
திருவண்ணாமலையில் வயது முதிர்வால் மூக்கு பொடி சித்தர் இன்று காலை காலமானார்.
9 December, 2018, Sun 8:32 | views: 846 |  செய்தியை வாசிக்க
trico-transport-international
-
  Annonce
கடை BAIL விற்பனைக்கு
à négocier  €
Paristamil Annonce
Actif assurance
Advertisements  |  RSS