Paristamil France administration Paristamil France administration
விளம்பரம் செய்ய வர்த்தகர் பதிவு வழிகாட்டி பிரிவு  
paristamil
 எழுத்துரு விளம்பரம் - Text Pub
காசாளர் தேவை
10102018
வீடு வாடகைக்கு
08112018
Bail விற்பனைக்கு
02112018
வேலையாள்த் தேவை
06102018
அழகுக் கலைநிபுனர் தேவை
10102018
கடை / Bail விற்பனைக்கு
06102018
Abi Auto பயிற்சி நிலையம்
250918
திருமண மண்டப சேவை
250918
Beautician தேவை
27092018
நிகழ்வு சேவைகள்
220918
Baill விற்பனைக்கு
130918
வர்த்தகர்கள் கவனத்திற்கு
150918
ஆங்கில வகுப்புக்கள்
130918
Drancy நகரில் ஆங்கில கல்வி நிலையம்
210818*15
ஜோதிட நிலையம்
170818*15
மூலிகை வைத்தியம்
190718*15
வீடுகள் விற்க
30112017
விளம்பர தொடர்புக்கு
விளம்பர கட்டணம்
விரைவாய் விளம்பரம் செய்ய
Paristamil
மின்னஞ்சலில்
கவனத்திற்குரிய செய்தி
அவதானம் - கார்-து-நோர்திலிருந்து தடைப்படும் தொடருந்துச் சேவைகள்!!!
France Tamilnews
நீம் - சனத்திரளினுள் அல்லாஹ் அக்பர் எனப் புகுந்த வாகனம் - பயங்கரவாதத் தாக்குதலா?
France Tamilnews
நெதர்லாந்தை வீழ்த்திய பிரான்ஸ்!!
France Tamilnews
பிரான்சின் வெற்றித்திருவிழா! - புகைப்படங்களின் தொகுப்பு!!
France Tamilnews
பரிசின் வீரனுக்கு பொபினியில் வதிவிட அட்டை - புகைப்படங்கள் இணைப்பு
France Tamilnews
இரு முகாம்களாகப் பிளவுபட்ட மனித உரிமைப் பேரவை
6 March, 2012, Tue 14:23 GMT+1  |  views: 1492
ParisTamil news

ஐ.நா. மனித உரிமைப் பேரவையில் எல்லோருடைய கவனமும் குவிந்துள்ள நிலையில் நாணயச் சந்தையில் இலங்கை ரூபாய் நாணயத்தின் மதிப்பு வீழ்ச்சியடைந்துள்ளது.

இறக்குமதியாளர்களினால் அமெரிக்க டொலரின் கேள்வி அதிகரித்ததால் இலங்கை மத்திய வங்கியானது 40 மில்லியன் டொலர்களை சில அரச வங்கிகளுக்கு விற்பனை செய்துள்ளது. இதனால் 123.40 ரூபாவாக இருந்த அமெரிக்கடொலர், 121.40 ஆக சற்று கீழிறங்கி, மேலதிக வீழ்ச்சிக்குச் செல்லாமல் தடுக்கப்பட்டுள்ளது.

இத்தகைய ரூபா நாணய வீழ்ச்சியை தடுப்பதற்காக நாணயக் கையிருப்பிலிருந்து டொலர்களை விற்பனை செய்வதால், சென்மதி நிலுவை நெருக்கடி அதிகரிக்கும் வாய்ப்பு அதிகமாக விருப்பதாக நாணயச் சந்தைத் தரகர்கள் கவலை கொள்கிறார்கள்.

அதாவது நாட்டின் பொருளாதார இயங்கு நிலைக்கு ஆதாரமாகக் கருதப்படும் மசகு எண்ணெய் இறக்குமதிக்கான நிதிக்கு, திறைசேரியில் அமெரிக்க டொலர் அல்லது தங்கம் இருக்க வேண்டும். அவற்றை ரூபாய் நாணயத்தின் பெறுமதி வீழ்ச்சியைத் தடுப்பதற்காகப் பயன்படுத்துவது, எண்ணெய் இறக்குமதியில் பாதிப்பினை ஏற்படுத்திவிடும்.

ஈரான் வங்கிகளை பொருளாதாரத் தடை மூலம் மேற்குலகம் முடக்குவதால் தங்கத்தில் தன்னோடு வியாபாரம் செய்யலாமென அந்நாடு மாற்று வழிமுறைகளைக் காண்பித்தாலும் எண்ணெய் கொள்வனவு செய்பவரிடம் போதியளவு தங்கம் கையிருப்பில் இருக்க வேண்டும். இலங்கையைப் பொறுத்தவரை இது சிக்கலான விவகாரம்.

அதேவேளை, யூரோ வலய நாடுகளின் இறக்குமதித் திறனை அதிகரிப்பதற்கு, பொருளாதார நெருக்கடி நிலைமைத் தவிர்ப்பு என்கிற அடிப்படையில் கடந்த டிசெம்பரில் 489 மில்லியன் யூரோக்களை வங்கிகளுக்கு கடனாக வழங்கிய ஐரோப்பிய மத்திய வங்கி, மேலதிகமாக 530 பில்லியன் யூரோக்களை ஒரு சதவீத வட்டிக்கு 3 வருட கடனடிப்படையில் வழங்கவுள்ளது.

இலங்கையிலும் இது போன்ற கடன் கொடுப்பனவுகளை மத்திய வங்கி மேற்கொள்ளாமல், நாணயத்தின் பெறுமதி வீழ்ச்சியைத் தடுத்து நிறுத்த திறைசேரி டொலர்களை விற்கும் மாற்று உபாயங்களை பிரயோகிக்கிறது.

அதேவேளை, எண்ணெய் மற்றும் மின்சாரக் கட்டிட உயர்வால் மக்கள் மத்தியில் போராட்டங்கள் முனைப்புப் பெறுவதைக் காணக் கூடியதாகவிருக்கிறது. இதனைத் திசை திருப்புவதற்கு மனித உரிமைப் பேரவையில் மேற்குலகால் கொண்டுவர உத்தேசித்துள்ள பிரேரணைக்கு எதிராக மக்களை அணி திரட்டி போராட முற்படுகிறது அரசு.

அரசால் உருவாக்கப்பட்ட நல்லிணக்க ஆணைக்குழு வெளியிட்ட அறிக்கையில் குறிப்பிடப்பட்ட பரிந்துரைகளை நிறைவேற்றுமாறு கூறுவதை, இலங்கைக்கு எதிரான சதி முயற்சி என்று சொல்வது வேடிக்கையாகவிருக்கிறது.

அதாவது ஐ.நா. நிபுணர் குழுவின் அறிக்கையை நிராகரித்த இலங்கை அரசு, தன்னால் உருவாக்கப்ட்ட நல்லிணக்க ஆணைக்குழுவின் அறிக்கையை நிராகிக்க முற்படும் சுய முரண்பாட்டுப் போக்கினையும் காணக் கூடியதாகவுள்ளது.

இருப்பினும் ஆணைக்குழுவின் பரிந்துரைகளை தாம் நிறைவேற்றி வருவதாகக் கூறுவதோடு, அதனை மையப்படுத்தி ஒரு தீர்மானம் தேவையில்லை என்பதே அரச தரப்பு வாதம்.

ஆனால் பேரவையிலுள்ள 47 நாடுகளுக்கு, உத்தேச பிரேரணைக்கு ஆதரவு கோரி கூட்டமைப்பின் நாடாளுமன்றக் குழுவின் தலைவர் இரா. சம்பந்தன் அனுப்பிய கடிதத்தில் பரிந்துரையிலுள்ள நான்கு முக்கிய விடயங்களைக் குறிப்பிட்டுள்ளார்.

வட கிழக்கு இராணுவ மயமாக்கலை விரைந்து அகற்றுதல், துணை இராணுவக் குழுக்களால் மேற்கொள்ளப்பட்ட மனித உரிமை மீறல் குறித்த விசாரணை, தகவல் உரிமைக்கு சட்டபூர்வ அங்கீகாரம் என்பதோடு பொறுப்புக் கூறும் கடப்பாடு என்பன அதில் உள்ளடங்குகின்றன.

ஆனாலும் இறுதிப் போர் காலத்தில் நிகழ்ந்த இனப்படுகொலை குறித்து விசாரணை மேற்கொள்ளப்பட வேண்டும் என்பது இங்கு குறிப்பிடப்படவில்லை.

வெள்ளியன்று மனித உரிமைப் பேரவையில் உரையாற்றிய அமெரிக்கப் பிரதிநிதியும், நல்லிணக்க ஆணைக்குழுவின் அறிக்கையை வரவேற்றதோடு நிரந்தர அமைதியை நிலைநாட்ட, நல்லிணக்க ஆணைக்குழுவின் பரிந்துரைகள் நிறைவேற்றபபட வேண்டுமெனக் கூறியுள்ளார்.

ஆனால், தனது கூட்டத் தொடரிற்கான அறிக்கையை வெளியிட்டு உரை நிகழ்த்திய மனித உரிமைப் பேரவையின் ஆணையாளர் நவநீதம்பிள்ளை அம்மையார், நிபுணர் குழு அறிக்கையை குறிப்பிட்டதோடு, “முழுமையான பொறுப்புக் கூறல்” என்கிற சொல்லாடலையும் அவர் அழுத்திக் கூறியிருந்தார்.

இலங்கையைப் பொறுத்தவரை பரிந்துரைகள், பொறுப்புக் கூறல் என்பவற்றை தம்மீது சுமத்தப்படும் அழுத்தங்களாகப் பார்க்கின்றது.

தமது அறிக்கையை வைத்து உருவாக்கப்படும் பிரேரணை தீர்மானமாகி, இறுதியில் சர்வதேச சுயாதீன விசாரணை என்கிற பொறிக்குள் தம்மை மாட்டி விடுமோ என்பது தான் இலங்கை ஆட்சியாளரின் அச்சம்.

ஆகவே, எந்தவிதமான தீர்மானமும் தனக்கெதிராக மேற்கொள்ளப்படக் கூடாதென்பதில் இலங்கை உறுதியாக இருப்பதன் பின்புலக் காரணி இதுவாக இருக்க முடியும்.

தீர்மானமொன்று வராமல் தடுப்பதற்கு நாடாளுமன்றத் தெரிவுக் குழு அமைக்கின்றோம் என்பதோடு, ஆணைக்குழுவின் அறிக்கையில் சகலவிதமான பொறுப்புக் கூறலும் உள்ளடக்கப்பட்டிருப்பதாக கூட்டத் தொடக்கத்தில் இலங்கைப் பிரதிநிதி, அமைச்சர் மஹிந்த சமரசிங்க வலியுறுத்தினாலும், வெள்ளியன்று உரையாற்றிய ஐரோப்பிய ஒன்றியத்தின் பிரதிநிதி ஆணையாளரின் கருத்தினை ஆதரித்தார்.

ஆனாலும், இலங்கைக்கு ஆதரவு தெரிவிக்கும் நாடுகள், பரிந்துரைகளை நிறைவேற்றவும், உள்நாட்டில் அதற்கான பொறிமுறைகளை உருவாக்கவும் இலங்கைக்கு கால அவகாசம் வழங்க வேண்டுமெனக் கூற ஆரம்பித்திருப்பதைக் கவனிக்க வேண்டும்.

வெளி அழுத்தம் இல்லாமல் உள்நாட்டிலேயே தீர்வு காண முற்படும் இலங்கைக்கு ஆதரவு கொடுக்க வேண்டுமென, மனித உரிமை பேரவையை நோக்கி வேண்டுகோள் விடுத்தார் பாகிஸ்தான் பிரதிநிதி.

ஆகவே புவிசார் அரசியலில் இரு முகாம்களாக பிளவுபட்ட நாடுகள், இலங்கை விவகாரத்தில் தமது நிலைப்பாட்டினை வெளிப்படையாகத் தெரிவித்த நிகழ்வுகளை மனித உரிமைப் பேரவையில் காணலாம்.

அணிசேரா நாடுகளின் சார்பில் பேசிய எகிப்தின் பிரதிநிதி, இலங்கைக்கு எதிரான அழுத்தம் தேவையற்றது எனக் குறிப்பிட்ட விவகாரம் இப் பிளவினை மேலும் துல்லியமாகப் புலப்படுத்தியது.

- இதயச்சந்திரன்

  முன்அடுத்த   
பொதறிவுத் துணுக்கு :

* உலகிலேயே மிக அகலமான  நீர்வீழ்ச்சி எது?  
  நயாகரா நீர்வீழ்ச்சி

•  உங்கள் கருத்துப் பகுதி
முன்னைய செய்திகள்
srilanka Tamilnews
குற்றங்களை இழைத்தவருக்கு செங்கம்பளம் விரித்த மைத்திரி – அச்சத்தில் தமிழர்கள்
கொழும்பு – பம்பலப்பிட்டியில் அமைந்துள்ள கதிரேசன் ஆலய வீதிக்குள் உள்நுழையும் போது வாசனை நிரம்பிய
11 November, 2018, Sun 14:45 | views: 522 |  செய்தியை வாசிக்க
srilanka Tamilnews
சம்பந்தரின் மண்டேலா மஹிந்தவிடம் அப்பம் சாப்பிடப் போய்விட்டார்
“சந்தர்ப்பவாதிகளை எம்.பி ஆக்கிவிட்டு அவர்கள் நேர்மையாக நடக்க வேண்டுமென்று எதிர்பார்க்கிறோம். இது எந்த
4 November, 2018, Sun 12:17 | views: 578 |  செய்தியை வாசிக்க
srilanka Tamilnews
ஆட்சிக் கவிழ்ப்பும் பின்னணியும்!
ஒரு சிலரைத் தவிர, இலங்கையிலோ, உலகத்திலோ யாருமே எதிர்பாராத அரசியல் மாற்றம் – கடந்த வெள்ளிக்கிழமை
29 October, 2018, Mon 10:15 | views: 765 |  செய்தியை வாசிக்க
srilanka Tamilnews
சிறிலங்கா ஜனாதிபதி கோத்தாவின் கனவு!
டி.ஏ.ராஜபக்ச நினைவிடம் அமைப்பதில் 80 மில்லியன் ரூபா மோசடி செய்யப்பட்டது தொடர்பான குற்றச்சாட்டை
22 October, 2018, Mon 14:44 | views: 549 |  செய்தியை வாசிக்க
srilanka Tamilnews
அரசியற் கைதிகள் விடுவிக்கப்படவில்லை...!!
ஒரு சிவில் செயற்பாட்டாளர் என்னிடம் கேட்டார். அரசியற்கைதிகளின் போராட்;டம் எனப்படுவது பிரதானமாக
14 October, 2018, Sun 15:59 | views: 469 |  செய்தியை வாசிக்க
trico-transport-international

Amthyste International
Actif assurance
Advertisements  |  RSS