சிறுதானிய குழிப்பணியாரம் (காரம்)

தேவையான பொருட்கள் : 

 

இட்லி அரிசி  - 1/4 கிலோ, 

சாமை - 150 கிராம், 

குதிரைவாலி - 100 கிராம், 

உளுந்து - 200 கிராம், 

கடலைப் பருப்பு - 50 கிராம், 

பெரிய வெங்காயம், பச்சைமிளகாய் - தலா 1,  

கறிவேப்பிலை, கொத்தமல்லி, பெருங்காய்த்தூள் - சிறிதளவு, 

உப்பு - தேவையான அளவு.

 

செய்முறை : 

 

* வெங்காயம், ப.மிளகாய பொடியாக நறுக்கி கொள்ளவும்.

 

* இட்லி அரிசி, சாமை, குதிரைவாலி அரிசி, உளுந்து ஆகியவற்றை ஒன்றாகப் போட்டு, ஊறவைத்து இட்லி மாவுப் பதத்துக்கு அரைத்துக்கொள்ளவும். 

 

* கடலைப் பருப்பை வறுத்து, மாவில் கொட்டி, வெங்காயம், கறிவேப்பிலை, பச்சைமிளகாய், கொத்தமல்லி, பெருங்காயத்தூள், உப்பு சேர்த்து, நன்கு கலந்து 30 நிமிடம் அப்படியே வைக்கவும். 

 

* குழிப்பணியார கல்லை அடுப்பில் வைத்து சூடனாதும் சிறிது எண்ணெய் ஊற்றி அதன் பின் அதில் மாவை ஊற்றி வெந்ததும் திருப்பி போட்டு எடுக்கவும். 

 

* சுவையான சத்தான சிறுதானிய குழிப்பணியாரம் (காரம்) ரெடி.