சந்தேக நபர்கள் மீது பிரெஞ்சு இராணுவத்தினரால் மேற்கொள்ளபட்ட துப்பாக்கிச்சூட்டில் மூன்று பொதுமக்கள் கொல்லபட்டுள்ளனர். 

 

மாலி நாட்டில் நிலைகொண்டிருக்கும் பிரெஞ்சு இராணுவத்தினரின் தகவல் தொடர்பாளர், நேற்று புதன்கிழமை இத்தகவலை தெரிவித்துள்ளார். இத்தாக்குதல் கடந்த சனிக்கிழமை மாலி நாட்டின் Barkhane நகரில் இடம்பெற்றுள்ளது. பிரெஞ்சு இராழ்னுவத்தினர் மற்றும் Barkhane இராணுவத்தினர் இணைந்து வீதி கண்காணிப்பில் ஈடுபட்டுக்கொண்டிருந்தனர். பாதுகாப்பு காரணங்களுக்காக சோதனை நடவடிக்கையில் ஈடுபட்டுக்கொண்டிருக்கும் போது, வாகனம் ஒன்று அவர்களின் கட்டுப்பாடு இடத்தில் நிறுத்தாமல் தொடர்ந்து பயணித்துள்ளது. இதனால் வேறு வழியின்றி பிரெஞ்சு இராணுவத்தினர் துப்பாக்கிச்சூடு நடத்தியுள்ளனர். 

 

அங்குள்ள பயங்கரவாத அமைப்பு தங்களுக்குத் தேவையான பெருமளவிலான எரிபொருளை கடத்திச் சென்றதாகவும், பயங்கரவாதிகள் அந்த வாகனத்தில் இருந்ததாகவும் கிடைத்த தகவலை அடுத்தே இந்த துப்பாக்கி பிரயோகம் இடம்பெற்றுள்ளது. இதில் மூன்று பொதுமக்கள் கொல்லபட்டுள்ளனர். அவர்களில் ஒருவர் இளைஞன் எனவும் தெரிவிக்கபட்டுள்ளது.