காவல்துறையினருக்கு கமரா பொருத்தப்பட்டுள்ள சீருடை வழங்கப்பட உள்ளதாக ஜனாதிபதி மக்ரோன் தெரிவித்தார். 

 

<<2021 ஆம் ஆண்டு ஜூன் மாதத்தில் இருந்து அனைத்து காவல்துறையினருக்கும் கமரா பொருத்தப்பட்ட சீருடை வழங்கப்பட உள்ளது. முதல்கட்டமாக Montreuil நகர காவல்துறையினருக்கு கமரா பொருத்தப்பட்ட சீருடைகள் வழங்கப்பட்டுள்ளது.>> என ஜனாதிபதி மக்ரோன் தெரிவித்தார்.

 

காவல்துறையினர் மீது பல்வேறு சர்ச்சைகள் எழுந்துள்ள நிலையில், இந்த கமரா உண்மைகளை படம் பிடிக்கும் என தாம் நம்புவதாக ஜனாதிபதி மக்ரோன் மேலும் தெரிவித்தார்.

 

நேற்று டிசம்பர் 4 ஆம் திகதி, ஜனாதிபதி இம்மானுவல் மக்ரோன் Brut ஊடகத்துக்கு பேட்டி வழங்கியிருந்தார். அந்த பேட்டியில் பல்வேறு கேள்விகளுக்கு ஜனாதிபதி பதிலளித்திருந்தார். அதன் போதே இதனை தெரிவித்தார்.

*****

 

நேற்று முன்தினம் வியாழக்கிழமை டிசம்பர் 3 ஆம் திகதியில் இருந்து Montreuil (Seine-Saint-Denis) 'நகரசபை' காவல்துறையினர் கமரா பொருத்தப்பட்ட சீருடைகளை அணிந்து நடவடிக்கைகளில் ஈடுபட்டு வருகின்றனர்.