பரிஸ் எட்டாம் வட்டாரத்தில் கொள்ளைச் சம்பவம் ஒன்று இடம்பெற்று, அது தோல்வியில் முடிந்துள்ளது. 

 

வெள்ளிக்கிழமை நண்பகலில் எட்டாம் வட்டாரத்தின் rue Royale வீதியில் உள்ள ஆடம்பர கைக்கடிகாரங்கள் விற்பனை செய்யும் கடை ஒன்றில் இச்சம்பவம் இடம்பெற்றுள்ளது. கொள்ளையன் ஒருவர் அக்கடையை கொள்ளையடிக்கும் நோக்கில் கடைக்குள் நுழைய எத்தனித்துள்ளார். ஆனால் அவரின் கெட்ட நேரம், இடுப்புப்பட்டியில் மறைத்து வைத்திருந்த துப்பாக்கியை கடைக்குள் நுழையும் முன்னரே வெளியில் எடுத்து கையில் வைத்திருந்துள்ளார். 

 

இதனால் கடையில் அமைக்கப்பட்டிருந்த தானியங்கி நுழைவுப்பூட்டில் (sas d'entrée)

சிக்கிக்கொண்டுள்ளார். அவரால் அந்த பூட்டுக்குள் இருந்து வெளியேற முடியவில்லை. பின்னர் காவல்துறையினர் தகவல் அறிந்து சம்பவ இடத்துக்கு விரைந்து வந்த குறித்த கொள்ளையனை கைது செய்தனர்.